Preto de trinta nenos do Concello de Lugo estrearon este martes os campamentos medioambientais do Km0 Infantil, organizado pola Deputación co fin de potenciar entre os máis pequenos o lecer en plena natureza e poñer en valor o medio rural da provincia. Os rapaces, de idades comprendidas entre os 6 e os 12 de idade, foron recibidos no Salón de Actos do Pazo de San Marcos pola Deputada de Medio Ambiente e Enerxías Renovables, Sonsoles López Izquierdo, para desprazarse despois á Granxa Garabullos de Cospeito, onde gozaron dunha xornada repleta de actividades lúdico educativas. Outro grupo de 30 nenos de Lugo participará mañá no Km0 Infantil; para o xoves anotáronse outros 30 rapaces da ANPA do colexio público de Castro de Rei e o venres, outros 40 nenos do CEIP de Cervantes farán as actividades o venres.
Os campamentos contan con 400 prazas libres, polo que os interesados poden anotarse na páxina web do organismo provincial, www.deputacionlugo.org onde atoparán toda a información sobre este programa dirixido ós máis pequenos, que financia nun 80% a Unión Europea a través do plan Lug02. O prazo de inscrición permanecerá aberto ata o vindeiro 12 de xullo. Na web tamén encontrarán o escrito de autorización paterna, que, ben poden enviar vía on line, xunto ó formulario de inscrición, ou ben entregalo en persoa antes do inicio das actividades. Presentar esta autorización é obrigatorio.
Os nenos poden escoller entre dúas alternativas, ambas en pleno corazón da Reserva da Biosfera Terras do Miño:
– A Granxa Garabullos, situada en Cospeito, onde as actividades terán lugar entre hoxe e o 15 de xullo. Trátase dun centro de lecer educativo que ten como obxectivo dar a coñecer o medio ambiente e as súas potencialidades, e favorecer o compromiso coa conservación do rural.
– O parque Avifauna de Outeiro de Rei, no que haberá actividades entre os días 16 e 19 de xullo. Avifauna é un centro de interpretación que conta con 500 aves de máis de 200 especies diferentes, representativas dos 5 continentes. As características deste parque zoolóxico fano único na comunidade galega, e un dos poucos de España.
Rutas, obradoiros, xogos e danzas
Durante toda a mañá, os rapaces, acompañados en todo momento por monitores, fan rutas guiadas, obradoiros, xogos e danzas, “todo co obxectivo de que aprendan a valorar a riqueza natural da provincia en xeral, e da Reserva Terras do Miño en particular, e converterse en pequenos embaixadores da nosa provincia; comprendan a importancia de vivir en harmonía coa natureza; e se comprometan coa conservación dos espazos naturais”, destacou a Deputada de Medio Ambiente.
Transporte gratuíto
Os participantes contan con servizo de autobús gratuíto desde Lugo para desprazarse ó lugar dos campamentos –Cospeito ou Outeiro de Rei-. En todo caso, se se xunta un grupo de entre 20 e 45 rapaces da mesma zona da provincia, fretarase un autobús para recollelos, tamén gratuitamente, nalgún punto desa zona no que lles veña ben a todos.
Para obter máis información, os interesados poden chamar ós números de teléfono 982-26-00-75/79, ou enviar un correo electrónico a km0infantil@deputacionlugo.org.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
