O portavoz do Grupo Parlamentario Popular no Senado, José Manuel Barreiro, asegurou este martes, na sesión da Deputación Permanente da Cámara, que o presidente do Goberno, Mariano Rajoy, xa deu “de forma reiterada, ampla, extensa, clara e contundente as explicacións sobre o asunto dos papeis de Bárcenas”.
Así, Barreiro recalcou que, desde principios de ano e en máis de oito ocasións (30 xaneiro, 2, 12, 20, 21 de febreiro, 9 e 17 de abril e 15 de xullo) deu estas explicacións tanto en sede parlamentaria, coma noutros medios públicos, “polo tanto hai hemeroteca máis que suficiente para coñecer a opinión do presidente do Goberno en relación a este tema”.
A petición de comparecencia do presidente do Goberno, por parte de varios grupos parlamentarios, para explicar o financiamento ilegal do PP, segundo versa no texto presentado ante a Cámara por estes Grupos, foi rexeitada con 15 votos a favor e 23 en contra.
Neste punto en concreto, José Manuel Barreiro afirmou que “aquí hai que preguntarse quén falou neste país de financiamento ilegal do PP; xa que, primeiro, “a xustiza non está investigando ó PP, está investigando a un señor que está no cárcere e que non é capaz de explicar de onde lle ven a súa fortuna”; e segundo, “non hai ningunha proba de carácter xudicial, que parta dun xuíz, ou dun fiscal que teña o máis mínimo refrendo xudicial que fale de financiamento ilegal do PP”.
“¿Quén fala polo tanto de financiamento ilegal do PP?” preguntou Barreiro, tralo cal recordou que “é o señor Bárcenas o que está no cárcere, porque un xuíz decidiu que debe ir ó cárcere e é el o que está realmente investigado”.
COALICIÓN DE INTERESES ENTRE RUBALCABA E BÁRCENAS
“¿Cál é o interese que ten o PSOE e moi en particular o señor Rubalcaba en plantealo nestes termos?, volveu preguntar Barreiro. “Aquí, so podo chegar a unha conclusión e é que se formou unha coalición de intereses evidente entre o señor Rubalcaba e o señor Bárcenas”, apostillou.
Así, o portavoz dos populares no Senado recordou que “ninguén, salvo o señor Bárcenas falou de financiamento ilegal, e fíxoo agora, na súa comparecencia ante o xuíz número 11, nas 10 anteriores no falara disto”.
Ó PSOE interésalle que fale diso e súmanse a esta valoración, considera o portavoz popular, quen ademais engadiu que neste punto está a coalición de intereses da que falou. “Dalguna forma, vostedes –en referencia ó PSOE- convertéronse nos representantes do señor Bárcenas nas Cortes Xerais”, remarcou.
Do mesmo modo, o xefe dos populares na Cámara alta aseverou que hai elementos comúns entre Rubalcaba e Bárcenas, “como é a desesperación; a de Bárcenas porque está no cárcere e é incapaz de explicar de onde lle veu o diñeiro; e a de Rubalcaba, porque está nun Partido que non goberna, que non dirixe e que cada día está nunha deriva diferente”.
Así, Barreiro resumiu que o fin do PSOE non é outro que o presidente Rajoy saia do Goberno, “buscar unha vía que as urnas non lle deron para chegar ó Goberno, esa é a auténtica razón, todo o demais son elementos de adorno”.
DEBATE ENTRE MENTIRA E VERDADE
Ó longo da súa intervención, o portavoz do GPP no Senado sinalou que estamos ante un debate entre a mentira e a hipocresía (PSOE e Bárcenas) e a verdade (PP).
“Aquí –explicou- está a verdade dunha persoa dunha honradez acreditada, dun compromiso co país acreditado tamén, porque o refrendaron 11 millóns de españois e que loita por recuperar a credibilidade deste país; que dende o primeiro día que asumiu a responsabilidade de Presidente do Goberno dixo a verdade do que había a todos os españois”.
“É a verdade dun Goberno e un Partido que puxo desde o primeiro momento transparencia total e absoluta sobre as súas contas e sobre os seus membros de dirección”, apostillou con rotundidade.
“¿Alguén coñece a contabilidade do PSOE?”, interpelou novamente o portavoz popular ós socialistas, tralo cal dixo que “aínda seguimos agardando”; xa que nin os socialistas, ni o propio Rubalcaba fixeron públicas as súas contas, cuestión á que se comprometeran en varias ocasións.
Para finalizar, remarcou que a hipocresía do PSOE queda patente nas súas declaracións sobre outras actuacións xudiciais que teñen que ver co PSOE, no que hai imputadas persoas que tiveron altas responsabilidades neste Partido, “onde non só non se da ningún tipo de explicación, senón que se critica e se censura a actuación da xuíza que está levando a cabo o seu traballo”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
