Riotorto, 31 de xullo de 2013. O Grupo de Goberno de Riotorto levará ao vindeiro pleno unha moción na que manifestará o seu rexeitamento ás reformas que está levando a cabo o Partido Popular desde a Xunta de Galiza e o Executivo central e que afortalan ás provincias e condenan a moitos concellos lucenses a deixar de prestar servizos aos seus veciños e veciñas e mesmo a súa desaparición. Así o anuncio o alcalde, Federico Gutiérrez Estoa, quen acusou aos populares de estar empregando esta táctica de recentralización dos servizos públicos para provocar a perda de calidade dos mesmos e, nun futuro próximo, xustificar a súa privatización.
O Goberno municipal recorda que “a finalidade última do Partido Popular é retornar ao Estado unitario no que as provincias eran o piar fundamental” e insiste en que “este proceso se iniciou coa aprobación da Área Sanitaria de Xestión Integrada de ámbito provincial, continuou co baleirado de competencias da delegación de Facenda en Foz, co avance da proposta de reforma da Lei de Planta coa que se tenta fechar todos os xulgados da provincia salvo os de Lugo e co anuncio da reforma da Lei Orgánica do Poder Xudicial que establece a eliminación dos xulgados de Paz e dos rexistros civís, así como coa recén aprobada reforma da lexislación de réxime local que condena a moitos concellos a deixar de prestar servizos ao pobo e a súa desaparición.”
Para Estoa, “con estas medidas, ás que hai que engadir outras como a supresión de paradas de tren en múltiples concellos, dificultando a comunicación e a actividade económica, social e lúdica e a eliminación de traballadores en servizos básicos como a sanidade, o Partido Popular pretende situarnos trinta anos atrás, que viaxemos no pasado e que para acudir a unha consulta médica ou facer calquera xestión, os veciños e veciñas teñan que desprazarse a Lugo. Estamos ante reformas que responden a unha evidente estratexia de desmantelamento dos servizos públicos, en especial, nos concellos con menos de 20.000 habitantes.”
“Como representantes públicos –continuou o rexedor municipal- estamos obrigados a defender os dereitos e intereses dos cidadáns dos nosos concellos e por iso, pedimos o apoio de todos os grupos con representación no Concello para aprobar esta moción na que reivindicamos o mantemento da prestación de servizos públicos nas comarcas e concellos para frear o abandono de moitos núcleos rurais.”
A través desta moción, o Goberno local demandará á consellería de Sanidade o restablecemento da Área de Xestión Integrada da Mariña, ao ministerio de Facenda a recuperación das competencias da delegación da Axencia Tributaria de Foz, ao ministerio de Fomento a reposición de todos os servizos ferroviarios, e solicitará ás consellerías correspondentes a reposición dos veterinarios e médicos de atención primaria, así como a reapertura de escolas rurais.
Estoa concluíu enfatizando a importancia de “esixir ás administracións que cando transfiran algunha competencia aos concellos ou procuren que estes as presten, se acompañe do importe total do seu custe. É preciso establecer un novo marco legal de financiamento que permita aos concellos prestar, axietadamente, todos os servizos aos seus veciños e veciñas.”
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
