Burela, 9 de agosto de 2013. Burela acollerá ao longo das vindeiras semanas diversas actividades deportivas, que foron presentadas esta mañá pola concelleira Beatriz Piñeiro e polo alcalde, José Mª González Barcia.
Os días 13 e 14 de agosto na pista do parque a partires das 20 horas terá lugar o torneo 3 x 3 de baloncesto que organizan o Concello e o CB Burela. Disputarase nas categorías de benxamín, alevín, infantil, cadete e xuvenil. A edil de Deportes explicou que “en caso de non haber suficientes equipos, mesturaranse as diferentes categorías participantes. A inscrición realizarase 15 minutos antes do inicio do torneo”.
O 18 de agosto, domingo, desenvolverase a Carreira Popular 2013. Será a partires das 12 do mediodía e establécense as seguintes categorías: senior masculino, senior feminino e sub 14. Beatriz Piñeiro sinalou que “haberá trofeos para o máis xove, o/a veteran@ e o 1º clasificado. As inscricións realizaranse no punto de saída na praia da Marosa media hora antes de que dea comezo a carreira”. E explicou que “o percorrido para os senior será praia de A Marosa, dando a volta na caseta dos socorristas da praia do Cabaliño e volta ao punto de partida. E no caso dos sub 14 a saía tamén será na praia da Marosa, dando a volta na caseta dos socorristas da praia de Ril e volta á Marosa”.
A Delegación de Deportes organiza tamén unha nova edición do día da bicicleta que se celebrará o 21 de agosto a partires das 19 horas. O percorrido irá desde a praia urbana ata o areal da Marosa e volta ao punto de partida. A inscrición para participar nesta actividade poderá facerse na praia urbana 15 minutos antes do inicio da proba.
E xa o 23 de agosto terá lugar o día do patín en Burela de 19:30 a 21:30 horas. Haberá circuítos e xogos na praza da Mariña. Aquelas persoas que desexen disfrutar desta cita poden anotarse 15 minutos antes do inicio da actividade.
Tanto o alcalde como a concelleira de Deportes animaron “a nen@s e maiores a facer un pouco de deporte con nós ao longo das vindeiras semanas. Fixemos actividades para todos os gustos e para todas as idades. Hai deportes que se poden practicar en familia e entre amigos e qué mellor forma de facelo que acudindo a algunha das citas que acabamos de presentar”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
