Lugo, 21 de setembro de 2013.- A delegada territorial da Xunta, Raquel Arias, anunciou que a Consellería de Medio Ambiente, Territorio e Infraestruturas iniciará “nos próximos días tarefas de conservación fluvial na conca de tres ríos da comarca da Mariña”.
Os traballos que se prevé que se estendan por un período de un mes, afectarán “a varios tramos dos ríos Eo, Landro e Ouro”, expuxo Arias. En concreto, as actuacións abranguerán un espazo de arredor de 15,5 quilómetros nos que se incidirá en treitos como os coutos de Xerdiz e e Viveiro (no Landro), no couto de Foz (no Ouro) e no couto da Pontenova (no río Eo).
A representante do Executivo galego na provincia indicou que con estas tarefas, que se desenvolverán a través da Dirección Xeral de Conservación da Natureza, preténdese “poñer en valor e favorecer o aproveitamento da paisaxe galega e dos seus valores naturais”.
Con este fin, a consellería financia –coa colaboración de fondos Feader- os traballos con 10.000 euros. A delegada asegurou que estas obras representan “un beneficio que facilita a recuperación de sendeiros de uso público para o tránsito peonil”.
Dentro das actuacións a realizar contémplase a limpeza da vexetación arbustiva nas marxes e no leito dos ríos, así como á poda selectiva de árbores e arbustos naquelas zonas nas que resulte preciso. Na mesma liña, tamén se procederá á rozadura da maleza e recollida de residuos sólidos urbanos.
Máis obras de mellora
As obras de conservación que se desenvolverán nas próximas semanas a través de Conservación da Natureza veñen a sumarse ás que nos últimos meses están a realizarse na mesma comarca da Mariña para a mellora das condicións medioambientais da zona.
Así, a consellería financiou con preto de 80.000 euros os traballos para dotar con sendas minidepuradoras os núcleos de Porto e Reme, promovendo deste xeito unha mellora no tratamento de augas dentro do municipio de Ribadeo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
