Lugo, 23 de setembro de 2013.- Un total de 15 entidades da provincia de Lugo percibirán este ano 330.000 euros a través da renovada orde de inclusión social que promove a Consellería de Traballo e Benestar.
A conselleira de Traballo e Benestar, Beatriz Mato, fixo públicos estes datos durante a súa visita á sede de Cáritas Diocesana en Lugo, onde mantivo un encontro cos seus responsables para afondar na liña de diálogo continuo que o departamento autonómico mantén coas entidades.
A través desta orde, Cáritas Lugo contará este ano con máis de 120.000 euros, o que supón un 50 por cento máis do que recibiu en 2012. Con todo, Mato salientou que as distintas liñas de colaboración entre a Consellería e esta organización lucense ascenden a 440.000 euros desde 2009.
Esta nova orde de inclusión, que ten como fin apoiar as entidades que traballan coas persoas en risco de exclusión social, incorporou importante novidades este ano. Así, unificou as tres convocatorias que existían anteriormente (de comedores e albergues; de programas de inclusión para entidades; e de programas dirixidos ás persoas inmigrantes) nunha soa soa co obxectivo de facilitar o proceso.
Ademais, introduciu como requisito que as contías das axudas deberán estar vinculadas directamente coa cantidade de persoas que atende cada entidade. De feito, segundo explicou Mato, é por este criterio polo que se ditaminou un aumento da axuda en numerosas organizacións.
Esta orde inscríbese na aposta do Goberno galego por traballar “por e para as persoas máis vulnerables e que máis están a sufrir a crise”. Nese esforzo inclúense tamén os 35,3 millóns de euros que se destinarán á Renda de Inclusión Social de Galicia (RISGA), un 50% máis que o orzamento inicial de 2012 co que o departamento chegará a preto de 8.500 beneficiarios no primeiro semestre de 2013, un 33% máis que en 2012.
Mato destacou que a Xunta está a esforzarse “de xeito permanente para garantir a calidade de vida dos maiores, e ofrecerlles os mellores recursos e servizos. Así o demostran as máis de 2.800 prazas públicas que se puxeron a disposición dos galegos e galegas nos últimos catro en anos en residencias, centros de día e de alzhéimer”.
En concreto, no que se refire á provincia de Lugo, desde 2009 téñense creado máis de 500 prazas para maiores, un 35 por cento máis das que había ese ano.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
