O Colectivo de Emigrantes Retornados convoca aos afectados de Lourenzá e Mondoñedo para tratar das multas aos emigrantes retornados na Casa da Xuventude de Mondoñedo o xoves 26 ás sete da tarde.
O Colectivo considera intolerábel que os traten como defraudadores nos días da súa xubilación despois de mandalos polo mundo para enviar divisas que mantiveron o Estado nos 60 e 70.
A Axencia Tributaria esta a proceder a multar a todos aqueles emigrantes retornados que cobran unha pensión de xubilación polo Estado español ademais de cobrar outra polo estado ao que emigraron aínda que non superen o mínimo legal obrigatorio para facer a declaración da renda. Se ben a orixe desta sanción hai que buscala nunha modificación lexislativa realizada en 2008 con nocturnidade e alevosía, unha modificación lexislativa da que non se fixo publicidade por parte de Facenda, precisamente agardaron ao máximo legal previsto para que prescribira a multa para incoar os expedientes de sanción ao fin de impor o recargo máximo nas multas, o noso obxectivo en canto afectados, ao igual que outros afectados do Estado, e conseguir evitar a sanción.
As multas que estamos recibindo, a día de hoxe son aínda moi escasas pero en Galiza xa chegan a 3000 que se sitúan arredor dos 20.000 Euros comezarán a chegar nos próximos meses aos emigrantes retornados, fóronos impostas sen ternos informado dos cambios que se deron no modelo de tributar e sen permitirnos subsanar o erro na mesma. Neste sentido queremos indicar que Facenda non só está a reclamar os impostos que se poidan adebedar, senón que tamén inclúe, os intereses de demora e as sancións ás que nos temos referido pola cal pretenden ingresar arredor de 20.000 Euros.
Na nosa opinión consideramos unha autentica inxustiza que o mesmo Estado que nos obrigou a emigrar, o mesmo Estado que nos botou polo mundo adiante e se aproveitou das divisas do noso traballo nos multe agora impedindo resolver un erro provocado por eles, mentres promove amnistías fiscais para os ricos e os millonarios, entres algúns banqueiros que xa nos roubaron nas preferentes. Non temos a máis mínima dúbida de que estamos diante dunha estafa das dimensións da das preferentes onde mesmo se ten pretendido cobrar a persoas que morreron en 2009 ou 2010.
A propia Axencia tributaria fala de máis de 50.000 afectados na comunidade galega dos cales a metade residen nas provincias de Lugo e Ourense, polo que convocamos a todos os veciños e veciñas da Mariña que teñan emigrado e que estean cobrando unha pensión polo estranxeiro a que acudan a unha reunión informativa a celebrar o Xoves 26 de Setembro ás 19:00 na Casa da Xuventude de Mondoñedo , dirixida de xeito moi particular aos veciños de Lourenzá e Mondoñedo, onde tentaremos , aclarar as dúbidas e manternos informados dos pasos a dar diante das inspeccións que nos vai facer facenda e de presentar as alegacións oportunas diante da primeira petición que chegará reclamándonos o diñeiro. Xa por último só nos queda convocarvos a reunión e indicarvos que Facenda está mandando primeiro as cartas coa multa aos residentes en Francia, Suíza e Alemaña para seguir co resto dos países de Europa e Latinoamerica. Ademais dos emigrantes retornados esta medida afecta a mariñeiros que estiveron embarcados en barcos de bandeira non española así como a traballadores de compañías españolas que saíron facer traballos ao estranxeiro. Xa por último lembrar o proceso de sancións que se está abrir contra aqueles emigrantes retornados que sendo titulares de bens e propiedades no estranxeiro que non declararon a medio do modelo 720 e que está a provocar multas de entre 10.000 e 50.000 Euros.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
