SERÁ UNHA OPORTUNIDADE PARA FACER VER A OPOSICIÓN CIDADÁ AOS RECORTES SANITARIOS NO DÍA QUE SE CELEBRA SESIóN PLENARIA ONDE SE RECLAMARÁ Á XUNTA A COBERTURA DA PRAZA MÉDICA PERDIDA NO CENTRO DE SAÚDE RIBADENSE.
A Mariña, 25 de setembro de 2013. A Plataforma na Defensa da Sanidade Pública da Mariña convoca mañá xoves ás oito da tarde unha concentración diante do concello de Ribadeo coincidindo coa celebración dun pleno onde se debaterá a reclamación ao SERGAS para que repoña ao Centro de Atención Primaria a praza médica perdida. Dende a Plataforma fan un chamamento á cidadanía a rebelarse contra estas medidas que degradan o sistema público de saúde con medidas como esta ou a anunciada onte no Parlamento co repago de medicamentos hospitalarios.
CONTRA O DESMANTELAMENTO DA ASISTENCIA PRIMARIA E O REPAGO DE MEDICAMENTOS DISPENSADOS NOS CENTROS HOSPITALARIOS.
A Plataforma chama á cidadanía ribadense a manifestar o seu rexeitamento ás medidas de recorte nas prestacións sanitarias públicas tanto polo recorte nas prazas médicas en asistencia primaria como polas medidas que a Conselleira anunciou onte para por en marcha o repago de medicamentos dispensados nos hospitais públicos, unha medida impulsada polo Ministerio de Sanidade pero opcional nas CC.AA que a conselleira non dubida en aplicar a partir do mes de outubro. Para a Plataforma estamos diante dun novo ataque ao sistema público de saúde que tanto dende o goberno do Estado como o da Xunta tratan de desmantelar para privatizalo en beneficio de intereses espurios.
A PLATAFORMA PIDE AO PP E A QUINTÁNS MODERACIÓN NA CREACIÓN DE ESPECTATIVAS FALSAS SOBRE O TRATAMENTO ONCOLÓXICO NA MARIÑA.
A Plataforma pediu ao PP e ao Xerente da Área de Xestión Integrada moderación na creación de expectativas entre as persoas con doenzas canceríxenas sobre o tratamento oncolóxico na comarca, advirten que o servizo que anuncian nace en precario e non vai impedir o traslado de pacientes a outros centros hospitalarios públicos e privados para recibir tratamentos. Non nos parece de recibo que tanto o PP como Quintáns anuncien o tratamento de quimioterapia na comarca cun servizo sen dotacións, sen espazo e cun oncólogo prestado polo HULA unha vez á semana.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
