O Burela FS Pescados Rubén plantarase mañá no parapeto alacantino, fronte a un dos rivais máis reforzados e nunha pista moi complicada, convencido de continuar coa senda dos bos resultados. O encontro da cuarta xornada de Primeira División RFEF comezará ás 19.00 horas, no pavillón da Universidade.
“Foi unha semana delicada. Tivemos que afrontar o programa de adestramentos con Patri e Claudia carrexando certas molestias” lamentábase o técnico laranxa, Quico Otero, que tamén falou da incorporación de Jozi e Paula á convocatoria “aínda que será pouco probable que entren nas rotacións porque aínda non completaron totalmente a súa recuperación”.
Con 6 puntos, 1 menos que as burelistas, o UA Alicante dará continuidade á eterna loita irmandiña. Ata o momento as universitarias tan só mediron a conxuntos galegos en liga; impuxéronse a Valdetires (7-0) e Viaxes Amarelle (3-5), na primeira e terceira xornada, e caeron co Cidade das Burgas (5-3), na segunda. “Teremos que pelexar contra a lentitude da pista e fronte a un rival tacticamente ben colocado, forte na súa casa, que presiona durante o partido e posúe xogadoras desequilibrantes” explicaba Quico Otero, no obxectivo de continuar cos resultados positivos.
No renovado e fortalecido UA Alicante destacan a porteira Ana Romero e as xogadoras Andrea Castelló, Fátima Cervera e Amelia Romero. Con esta última, o conxunto local non poderá contar, posto que cumprirá o partido de sanción con que foi amoestada tras a vermella directa da semana pasada na casa do Amarelle.
Premios El Progreso ao Deporte Lucense
O histórico dobrete do campión laranxa foi recoñecido polos lectores do xornal El Progreso de Lugo, como o gañador da categoría de Fútbol Sala. O presidente do CD Burela FS Pescados Rubén, Manuel Blanco, recolleu o galardón na gala que acolleu onte o auditorio Gustavo Freire de Lugo, coa emisión de Telelugo. A entidade burelista tamén estivo representada polo vicepresidente, José Luis Sáez, e o directivo Auditor Rodríguez, xunto ao fundador de Pescados Rubén, Rubén Blanco. Un total de 38 deportes foron homenaxeados na novena edición dos Premios El Progreso ao Deporte Lucense, co recoñecemento principal para a atleta Alessandra Aguilar.
*FOTO: El Progreso. Manuel Blanco xunto ao concelleiro de Deportes de Lugo, José Manuel Díaz.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
