Mondoñedo, 11 de novembro de 2013. Os cineastas Óliver Laxe e Alberto Gracia impartiron, esta fin de semana, en Mondoñedo, un obradoiro de prácticas de interpretación con cámara dirixido a actores e actrices tanto profesionais como afeccionados, no marco das accións formativas programadas polo proxecto teatral da área de Cultura da Deputación de Lugo, Buxiganga, para este 2013.
O vicepresidente da Deputación de Lugo, o nacionalista Antonio Veiga, visitou unha das sesións do curso e puido comprobar, in situ, o funcionamento do obradoiro así como o traballo realizado nestes días polos vinte actores e actrices, procedentes de distintos puntos da comarca, que participaron nesta edición, traballo do que posteriormente ser fará un proxección.
O curso, que contou coa colaboración da produtora Gaitafilmes, estruturouse en dúas partes, unha máis teórica, con visionados de películas clásicas, que tiveron lugar na Casa da Xuventude de Mondoñedo, e as prácticas de cine propiamente ditas, que se desenvolveron no antigo casino da cidade mariñá.
As actividades descritas e o modo de traballo que amosaban os directores levaron aos actores e actrices a abandonar a propia representación: ser representación. Presentación de emocións verdadeiras nun marco artificial, cun proceso de purga previo de expresividade, respiración e xesto, que permitirá aos actores alcanzar un estado intermedio que permite o emprego de enerxías baixas ou altas.
Este obradoiro enmárcase dentro das accións formativas que programa o proxecto Buxiganga para este 2013, que ofrece un total de 9 cursos en toda a provincia, 3 deles na comarca da Mariña: ‘Ponte en escena’, impartido en Riotorto por Rosalía Quelle Castro no mes de agosto; e o curso de clown que se desenvolveu en Ribadeo o pasado setembro, da man de Marián Bañobre; aos que se suman estas prácticas de cine.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
