Demasiado castigo o recibido polo Burela Pescados Rubén en Anaitasuna onde caeu derrotado por 5-2 ante o Magna Navarra. O duelo no feudo navarro non decepcionou desde o punto de vista do espectáculo e víronse goles de fermosa factura. En especial o empate (1-1) logrado por Matamoros que cun taconazo de costas a portería debuxou unha preciosa vaselina para bater a Asier.
O Burela Pescados Rubén foi mellor nun primeiro periodo no que os locais cederon media pista aos galegos para buscar o contragolpe. No primeiro despiste laranxa chegou o 1-0 logrado por Carlitos. A resposta chegou por mediación do killer laranxa, Matamoros, que arrincou a admiración dos afeccionados ao Fútbol Sala cunha obra de arte memorable. O empate propiciou o mellor momento dos bureleses que desarbolaron ao Magna Navarra pero pecaron de inxenuidade na definición, deixando escapar vivo a un conxunto local que tivo a fortuna do seu lado para marcar o 2-1 ao bordo do descanso, tras un remate de cabeza que golpea en Mimi e ante o que Alex non puido facer nada.
Na continuación, o tempraneiro gol de Carlitos (3-1), tras aproveitar un rexeite nunha falta ao bordo do área, supuxo un duro golpe na liña de flotación laranxa que caeu nas redes dos navarros. A raíz do 3-1, os mariñaos xogaron con máis corazón que cabeza e os pamplonicas castigaron cunha xogada de estratexia que definiu Carlitos, logrando o seu terceiro tanto da noite. Buscou a heroica o Burela con porteiro xogador pero unha perda foi aproveitada por Marc Tolrá para subir o 5-1 e Matamoros pechou o partido co 5-2 tras un zurdazo inapelable.
Ficha técnica
Magna Navarra: Asier, Marc Tolrá, Jesulito, Roberto Martil, Rafa Usín –cinco inicial- Víctor Arévalo, Iñigo, Dani Saldise, Carlitos.
Burela Pescados Rubén: Alex, Isi, Antoñito, David, Matamoros –cinco incial- Mimi, Iago Míguez, Hugo, Christian, Juanma.
Goles: 0-1, m.5, Carlitos; 1-1, m.14, Matamoros; 2-1, m.19, Mimi (p.p.); 3-1, m.23, Carlitos; 4-1, m.35, Carlitos; 5-1, m.37, Marc Tolrá; 5-2, m.39, Matamoros.
Árbitros: Gutiérrez Lumbreras, Lope Díaz.
Incidencias: Partido correspondente á xornada 17 de Primeira División. Pavillón de Anaitasuna.
*Foto: Prensa Magna Navarra.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
