Nunca Máis convoca a centos de persoas en Foz “en demanda de dignidade e xustiza para Galiza”

Varios centos de persoas percorreron na mañá deste domingo as rúas de Foz para expresar o seu rexeitamento pola sentencia do Prestigue nunha manifestación que con saída de diante da Praza do Concello que percorreu as rúas do centro da vila para rematar outra vez diante da Praza do Concello coa lectura dun manifesto a cargo dunha representación do mundo da cultura da Mariña e o canto do Himno Galego. A manifestación coincidiu con outras sete convocatorias que percorreron as sete cidades galegas e que pretende achegar a repulsa da nosa sociedade a unha sentenza, a do Prestigue, que nega outra vez máis aos galegos e ás galegas o dereito a xustiza como xa aconteceu no momento da catástrofe.

Vicente Vázquez,Presidente da Confraría de San Cibrao no momento da catastrofe, no manifesto final afirmou que “Hai hoxe 11 anos a sociedade galega demostrou naquela nosa Compostela feita un mar de auga que existía para si mesma e ante o mundo; existía unha sociedade viva e capaz de defenderse e hoxe temos que demostralo novamente a pesar de que o contexto é distinto porque estamos baixo unhas políticas que castigan a cidadanía, que destrúen a sociedade e que negan a Galiza como país.A manifestación de hoxe enmárcase neste contexto de negación dos dereitos da cidadanía, da xustiza, da verdade e da existencia da propia nación galega. Que quede claro eles van contra a nosa existencia de persoas libres con dereitos e contra a existencia de Galiza como país, que existe en por si, e necesitamos con esta manifestación revalidar a existencia de Galiza, e o que é máis importantes necesitamos demostrar de novo a nós mesmos, ao conxunto do Estado, a toda Europa e ao mundo que Galiza existe como país e como pobo”.

Xoán Ramón Fernández Pacios, Presidente da Asociación A Pomba do Arco, que deu lectura a primeira parte do manifesto destacou que “Somos a Galiza indignada pola amarga e inxusta sentenza emitida pola Audiencia Provincial da Coruña, que exonera de culpa os responsábeis da marea negra do “Prestige” e abre as portas á impunidade. Ante iso temos que rebelármonos, temos que dicir non á impunidade porque hai responsabilidades directas de que ese buque fose unha chatarra flotante que navegaba fronte as costas galegas, pero tamén hai responsabilidade política na xestión da catástrofe por parte do PP, que ocupaba naquel momento labores de Goberno na Xunta e no Estado, que tamén quedan exonerados con esa sentenza. E non eran “hilillos de Plastilina” o que saía daquel vello buque, como antes o Mar Egeo, ou o Casón, ou o Andros Patria, ou o Polikomander veu morrer diante das nosas costas”.

Dores Fernández Abel, Presidente da Asociación Francisco Lanza, que deu lectura a segunda parte do manifesto indicou que “a Plataforma Nunca Máis, non se foi nestes 12 anos desde o accidente de Prestigue, estivo a aquí, a pé de obra, vixiante, para que se fixera xustiza para coa nosa nación, para que a nosa nación fose respetada exercendo unha dignidade que se nos quere negar, en definitiva Nunca Máis xa é parte do pobo galego consciente no camiño da súa soberanía. Porque o único Nunca Máis posíbel constrúese desde a soberanía e a construción do Estado Galego que poña nas nosas mans o control da nosa costa, un Estado Galego que poña nas nosas mans o control do tránsito marítimo, un Estado Galego que tome en consideración a importancia estratéxica que o mar ten para nos a diferenza de para os mesetarios e por conseguinte a dote de medios para loitar contra traxedias coma esta”.