José María Rodríguez.- Ás boas xoias pásalles como ás perlas. Permanecen agochadas dentro da cuncha, escondidas ás miradas dá xente. O mesmo acontece co recente achado do conxunto histórico de Santo Estebo do Ermo, que acaba de ser declarado Xacemento Arqueolóxico polos técnicos de Patrimonio. Non, non é que ninguén soubese da súa existencia. Dende a alta Idade Media, (século IX, aproximadamente) foron e son innumerables os fieis e visitantes que, por unhas ou outras razóns, acudiron e acoden a visitar esta singular e histórica paraxe.
A novidade é que non foi ata hai uns poucos anos que deron comezo algunhas investigacións sobre a orixe e historia deste antigo centro relixioso. Con elas empezaron a descubrirse as verdadeiras orixes históricas deste espazo que albergou o berce da relixiosidade dunha ampla zona da mariña oriental lucense. Un traballo que actualmente retomou a recén creada asociación barreirense Irmandade Santo Estevo do Ermo. As súas investigacións, continuadoras das publicadas por quen isto subscribe no número 7 da publicación Rudesindus, no ano 2011, están a completar con éxito a historia e valor cultural deste santuario e do seu ámbito. E, como froito do seu traballo e da colaboración con Mariña Patrimonio, acaban de conseguir que este marabilloso espazo, descoñecido para moitos, sexa incluído finalmente no Inventario de Xacementos Arqueolóxicos da Xunta de Galicia. Un recoñecemento fundamental para a recuperación e potenciación deste espazo, do valor histórico e cultural que se encerra agochado nas ruínas que se manteñen ocultas entre as malezas que o cobren.
É imprescindible coñecer a nosa historia pasada para coñecer a nosa vida actual e o camiño cara ao futuro. A colaboración dos organismos interesados con esta Irmandade do Santo Estevo do Ermo é fundamental para este logro. É aínda moito o que queda por investigar e descubrir: arquivos que consultar, espazos que recuperar e ruínas que descubrir, tales como o antigo cemiterio desa bisbarra, a primitiva ermida de Santo Estevo, a casa do ermitán e demais anacoretas, etc. etc. Para todo iso e para sacar adiante os proxectos de recuperación que constitúen o obxectivo desta Irmandade de Santo Estevo do Ermo fai falta colaboración técnica e económica. Unha chamada ás Administracións para que esperten do seu sono.
José María Rodríguez.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
