Lugo, 8 de febreiro de 2014.- O único aspirante a liderar o Partido Popular de Viveiro foi elixido este sábado presidente da agrupación local cun 98,41% dos votos.
Nun congreso local que tivo lugar na mañá deste sábado, no Hotel Louzao de Viveiro, e ao que asistiron preto de 200 persoas, entre afiliados e militantes, así coma, autoridades políticas da comarca de A Mariña e de toda a provincia, Antonio Bouza, foi elixido presidente.
O primeiro en intervir nesta cita congresual foi o presidente saínte, César Aja, quen fixo un percorrido da súa longa traxectoria política e lembrou que o PP viveirense gañou tódolos procesos electorais, agás en dúas ocasións.
Agradeceu Céjar Aja a colaboración de tódolos seus compañeiros, familia e presidentes dos que tivo o seu apoio, e, entre aplausos, fixo una especial mención a Don Manuel Fraga.
Destacou o popular a pulcritude dos gobernos populares e no tocante a tódolos bulos e rumores que se levan escoitado no tocante a temas xudiciais, deixou moi claro que se alguén ten algunha dúbida neste tema, está totalmente aberto para ensinar o que lle pidan.
No tocante as actuacións levadas a cabo polo PP de Viveiro, fixo un balance optimista, resaltando tódalas actuacións levadas a cabo na localidade. Afirmou Aja que se realizaron alumeados, saneamentos, comunicacións entre aldeas (moi demandadas polos veciños), o polígono industrial de Landrove, reparacións de escolas rurais, Muelles de Celeiro, segunda lonxa….e así un interminable número de actuacións.
Concluíu Aja manifestando que os máis mozos teñen que saber o que se fixo e mostrouse seguro de que o equipo saberá dirixir os destinos e logrará a meta que se prolonga.
ANTONIO BOUZA
O recen elixido presidente eloxiou o traballo de César Aja e afirmou que resultaría imposible falar do PP en Viveiro sen mencionar a súa figura. Deixou claro que se traballará dende a unidade e co apoio de todos.
Bouza afirmou que se pretende configurar un equipo renovado e unido, cuxo obxectivo é conseguir a alcaldía.
“O goberno bipartito fixo que Viveiro deixase de ser un referente en A Mariña”- lamentou o popular, quen mostrou a súa disposición de traballar, traballar e traballar, dende a unión e esforzo colectivo. Viveiro é mellor dende o PP. Facemos falta todos, aseverou.
JOSÉ MANUEL BARREIRO
O voceiro do PP no Senado e presidente do PP en Lugo, José Manuel Barreiro comezou a súa intervención facendo un recoñecemento, tanto no ámbito persoal coma institucional, ao presidente saínte, César Aja.
“Non se pode entender a historia de Viveiro sen César Aja. É imposible ter un currículo coma o del”- afirmou José Manuel Barreiro, quen lembrou que o presidente saínte, transformou Viveiro, creando así unha estrutura económica, algo polo que “no PP sentímonos orgullosos desa labor, e sobre todo, temos unha débeda impagable con César”.
Dixo Barreiro que estas verdadeiras loubanzas non significan que o acto remata aquí, senón que “hoxe eliximos un novo presidente pero facémolo cunha finalidade: que Viveiro non deixe de ser o que foi. Cando Viveiro foi do PP, Viveiro medraba e era un referente en toda a provincia e Galicia, nestes anos de bipartito, a Cidade do Landro saía por facer mal as cousas”.
Barreiro agradeceu a xenerosidade do presidente saínte: “César decidiu que era un momento importante para facer un relevo no partido e esto non sempre se da en política”- afirmou e instou a todos a seguir este modelo.
O presidente provincial agradeceu a Antonio Bouza dar ese paso ao fronte, nuns momentos que recoñeceu ser non de todo agradables para a política. Asegurou que un congreso é un momento para o debate, no que temos que discutir entre nos os diversos temas e despois os militantes tomar a decisión. Despois, dixo, “todos contribuímos con unidade ao fortalecemento do partido”.
Finalmente Barreiro cualificou a Feijoo como modelo para entender e facer a política. “Marcamos a través do presidente da Xunta, unha maneira distinta de entender e facer a política, a cal deu resultados e foi referente a nivel nacional.
CANDIDATURA
Presidente: Antonio Bouza, vicepresidente 1º, Jaime De Olano, vicepresidente 2º, Celestino García Paz; secretaria da organización: Mariña Güeimunde; secretaria: Cándida Méndez; vocais: Rita Míguez, Belinda Bermúdez, Valentín Mera, Helena Del Valle, María Luisa Soto, Verónica Mantilla, Santiago Martínez, Alberto Legaspi, Ángel Mario Mateos Belén Beleiro, Eva María Castro, César Polo, Pablo Ferro, José Vicente Prieto, Carlos Martínez, Víctor Javier Illán, José María Costa, Marta Pérez, Antonio Berdeal, Domingo Otero, Cristina Goas e Carlos Galindo.
BIOGRAFÍA ANTONIO BOUZA
Antonio Bouza naceu o 10 de xullo de 1966 en A Pontenova. Licenciado en maxisterio, e especializado en Lingua Inglesa, pola Universidade de Santiago de Compostela, Campus Lugo, está casado e ten dous fillos.
Actualmente exerce de mestre no Instituto Lois Tobío de Viveiro
EXPERIENCIA POLÍTICA
No eido político, foi edil en Viveiro na lexislatura 2003-2007. Dentro do Comité Executivo Local é responsable de deportes e, actualmente, é o voceiro do PP na cidade do Landro.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
