Burela, 8 de febreiro de 2014. O vindeiro luns, 10 de febreiro, ás 13 horas terá lugar a inauguración da escola de columna de Burela. O acto contará cun invitado de honra, o propio Dr.Knapp, segundo informa a Concellería de Servizos Sociais. No salón de plenos do Concello será onde se desenvolverá a reunión informativa para aquelas persoas que desexen participar na escola de columna de Burela.
Diana Durán explica que “debido ao gran número de persoas interesadas en participar na escola de columna, a Concellería de Servizos Sociais, Muller, Igualdade e Sanidade incrementa a oferta, pasando de 3 a 5 grupos de 10 persoas cada un, co cal serán un total de 50 persoas as que se verán beneficiadas por este novo programa. As persoas que figuran en lista de agarda serán chamadas seguindo a rigorosa orde de chegada”.
A edil popular lembrou que “os requisitos para poder participar na escola de columna de burela son: estar empadroados/as en burela, non presentar contraindicacións e ser maiores de 18 anos e sen límite de idade”. Finalmente, as clases impartiranse os martes de 8:15 a 9:15 horas, de 9:15 a 10:15 horas e de 10:15 a 11:15 horas e os mércores de 19 a 20 horas e de 20 a 21 horas, na aula de familia da Casa de Cultura. Ditas clases comezarán o martes 11 ou mércores 12, dependendo da quenda que elixa cada persoa.
Durán sinala que “hai anos que o Dr. Knapp desenvolveu técnicas que aumentaron a eficacia de algúns tratamentos xa empregados con éxito por escolas alemás. Os exercicios da escola de columna completaron a difícil tarefa de eliminar o dolor nas costas dolorosas. Co conxunto do método Knapp obtéñense hoxe os resultados tan positivos no tratamento – non cirúrxico – dos dolores de costas. Diagnósticos precisos e a combinación de tratamentos médicos e fisioterapéuticos personalizados, resolven hernias de disco, lumbalxias, canal raquídeo estreito, ciáticas, fibromialxias e o síndrome das costas dolorosas”.
A concelleira de Servizos Sociais e Sanidade indica que “na nosa escola de columna os grupos de rehabilitación serán reducidos cun máximo de 10 persoas en cada un e unha monitora especialmente adestrada atenderá ao detalle o traballo de cada persoa. Con esta nova iniciativa social igualámonos a dúas das grandes cidades galegas, pois soamente A Coruña e Santiago de Compostela ofrecen este programa de carácter terapéutico e preventivo e no que se educa para tonificar a musculatura das costas, co fin de conseguir unhas costas e columna vertebral sen dolor, fortes e preparadas para as necesidades da vida diaria mediante sesións de exercicios físicos específicos”.
Diana Durán engade que “con iniciativas deste tipo, unha vez máis, o equipo de goberno burelés amosa que unha das súas apostas mais fortes é o benestar dos veciños e veciñas e segue a cumprir co seu compromiso social, polo que dende o Concello de Burela, a través da Concellería de Servizos Sociais, Muller, Igualdade e Sanidade queremos ofrecer este novo servizo baseado no método do Dr. Knapp, a escola de columna, consistente na selección moi especial de exercicios que procuran rehabilitar as estruturas que mais sufriron a falta de movemento. Trátase de devolver o mais rapidamente posible a forza ás estruturas que perderon a capacidade de garantir a mobilidade intervertebral”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
