A Deputación de Lugo organiza o luns o V Encontro Provincial de Cooperación cos Concellos, que contará coa participación de seis prestixiosos expertos no país no ámbito da Administración Pública. O tema central da xornada será a reforma das bases do réxime local español, introducida pola Lei 27/2013, do 27 de decembro. Debatirase acerca de aspectos de máxima actualidade e relevancia para as administracións locais, como o xeito en que a entrada en vigor desta Lei altera as relacións entre os dous niveis de goberno local –Deputacións e Concellos-, ou como esta afecta á autonomía local.
Para isto, están previstas ponencias, mesas redondas e unha lección maxistral a cargos dos seguintes expertos:
– Tomás de la Quadra-Salcedo Fernández del Castillo: ex-ministro de Administración Territorial e Xustiza, foi un dos responsables do proceso autonómico en España coa redación da Lei Orgánica de Armonización do Proceso Autonómico. Na actualidade é Catedrático de Dereito Administrativo na Universidade Carlos III de Madrid.
– Manuel Zafra: profesor titular de Ciencia Política e da Administración Pública da Universidade de Granada, foi Director Xeral de Cooperación Local no Ministerio de Administracións Públicas; Director Xeral da Administración Local na Junta de Andalucía e Director do plan Estratéxico da Deputación de Granada.
– Manuel Medina: Catedrático de Dereito Constitucional na Facultade de Dereito na Universidade de Sevilla, foi Letrado do Tribunal Constitucional.
– Fernando García Rubio: profesor titular de Dereito Administrativo na Universidade Rey Juan Carlos de Madrid
– Tomás Quintana López: catedrático de Dereito Administrativo da Universidade de León
– Eloísa Carbonell Porras: Catedrática de Dereito Administrativo da Universidade de Jaén.
Programa do Encontro
Está previsto que unhas tantas persoas procedentes de toda a provincia participen neta xornada, que se desenvolverá no Salón de Actos do Pazo de San Marcos entre as 9:15 e as 14:45 horas, co seguinte horario:
– 9:15 horas: inauguración das xornadas a cargo de Álvaro Santos Ramos, Deputado de Cooperación e Asistencia ós Concellos.
– 9:30-10:30 horas: mesa redonda sobre “A reforma do réxime local español”. Interveñen Fernando García Rubio, Manuel Medina Guerrero e Tomás Quintana López.
– 10:45-11:30 horas: lección maxistral “Aspectos máis importantes da reforma da Lei Reguladora das Bases de Réxime Local de 2013”, a cargo de Tomás de la Quadra-Salcedo, a quen o acompañará o Presidente da Deputación, José Ramón Gómez Besteiro.
– 12:00-13:00 horas: ponencia de Manuel Zafra sobre “O papel das deputacións no novo marco da planta local”
– 13:00-14:45 horas: ponencia de Eloísa Carbonell sobre “O novo modelo de distribución das competencias dos entes locais”, e posterior debate.
Todos os que desexen escoitar as interesantes aportacións dos poñentes acerca da reforma de réxime local poderán facelo tamén en tempo real a través da web www.deputacionlugo.org, xa que como noutros eventos, a Fundación TIC encargarase da retransmisión en directo en streaming.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
