Despois de catro meses sen convocar un Pleno Ordinario, rompendo con descaro as regras acordadas, contábamos que o celebrado o día 30 sería un exemplo de traballo e que na orde do día se manifestara unha intención clara de mellorar as condicións sociais, económicas, culturais, laborais, sanitarias, educativas e dotacionais do conxunto dos veciños de Burela, pero sorprendéronnos con dous puntos a tratar que nada teñen que ver coa problemática que realmente preocupa á xente.
O primeiro punto foi derivado de unha xubilación recente. A persoa xubilada facía labores administrativa e o alcalde optou por repartir as distintas tarefas que o administrativo viña realizando entre diferentes funcionarios. Para tal fin o alcalde fixo un despece con porcentaxes diferentes dos asuntos que atendía o funcionario xubilado.
Pois ben, a porcentaxe máis alta, un 44%, asignoulla a un posto concreto e dotouna de un complemento de 400 euros. Para aplicar este complemento levou a pleno a modificación da relación de postos de traballo (RPT).
Conclusións:
a/ No concello houbo outras xubilacións e nos se aplicou o mesmo modelo.
b/ Para o resto dos funcionarios que recibiron porcentaxes do despece non se lles aplicaron modificación no seu posto. Para eles non se modifica a RPT.
c/ Fíxose todo o proceso co voto en contra da totalidade dos representantes sindicais.
d/ Non se tratou de sacar a concurso a praza do funcionario xubilado.
e/ O posto do funcionario que recibe o 44% non ten especificado as preferencias de atención. Deixa de facer as obrigas que tiña anteriormente para atender as novas ou fai o reves?.
f/ Todo este proceso crea desconfianza entre o resto dos traballadores.
g/ A oposición votou en contra de unha norma que impuxo o alcalde.
O segundo punto foi para modificar a ordenanza do servizo de axuda no fogar.
A oposición votou en contra por entender que as políticas sociais do PP están minguando considerablemente as achegas económicas, subindo as porcentaxes de pago dos usuarios, complicando as condicións de acceso e reducindo o tempo de atención e prestacións.
Pero onde mais claro quedou a postura política do equipo de goberno do PP foi na resposta dada as mocións que o noso grupo presentou.
Votaron en contra de anular o repago para fármacos que se distribúen nos hospitais de maneira ambulatoria. Aproban, que os enfermos crónico coticen por estar enfermos.
Votaron en contra de solicitar á Xunta un plan de emprego que beneficie os mais novos e os maiores de 55 anos.
Votaron a favor, quedando en ridículo con respecto a outros militantes do PP, de seguir adiante co anteproxecto de Lei Orgánica sobre a interrupción voluntaria do embarazo.
Votaron a favor de aplicar a suba nas tributación das persoas autónomas e pequenas empresas. É dicir, votaron a favor de seguir aumentando o paro.
É triste comprobar, unha e outra vez, o pouco ou nulo compromiso que teñen coa sociedade e en concreto cos veciños de Burela. Despois de case tres anos de lexislatura seguen demostrando estar máis as ordes do Partido Popular que en atender as súas obrigas de representantes de todos os veciños.
Deixaron perder a Area Sanitaria. Deixan perder os servizos sanitarios e non sanitarios do hospital da costa. Soben IBI, prezos públicos, taxas e impostos. Danse presa en aplicar o 34% do canon do lixo. Comulgan coa subida da electricidade, auga, copagos sanitarios, reforma laboral, etc… e anuncian en titulares futuros incumprimentos.
A extraordinaria falta de valía do alcalde maniféstase cando da a súa opinión nas notas de prensa que envía. É patético que unha persoa que se lle supón educación e certa capacidade para comunicar sega facendo o que fixo sempre: insultar e tratar de minimizar os adversarios.
Quen foi a pleno sabe que Alfredo Llano nin insultou, nin perdeu os nervios, nin foi histérico, nin belicoso nin chamou asasino nin ladróns a ninguén. Só unha persoa retorcida e ruín, maliciosa, rancorosa, celosa e sen recursos dialécticos é capaz de recorrer a estas manifestacións para ocultar o seu mal facer e o seu desprezo os veciños de Burela. De momento o alcalde só esta para cobrar soldo e dietas por non facer nada. Se fose quen se lle supón que ten que ser dedicaríase a atender os problemas dos veciños e a comunicar esa labor. A súa forma de facer política pide a gritos a súa dimisión.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
