A Deputación ofrecerá gratis a todos os Concellos da provincia máis actividades educativas e promocionais sobre a riqueza natural da provincia a través do Barco Muralla. A Xunta de Goberno acordou este vernes iniciar a contratación da nova programación da aula medioambiental para poñela en marcha na primavera.
O voceiro provincial socialista, Manuel Martínez, remarcou que “tras os recortes da Xunta, que eliminou as actividades extraescolares nos municipios, e tendo en conta o éxito da programación anterior, na que participaron máis de 2.000 rapaces de toda a provincia, a Deputación ofrecerá ós cativos novas actividades lúdicas, coas que coñecerán a diversidade da flora, fauna e ecosistemas da provincia, ó tempo que lles achegará dous símbolos lucenses, a Muralla romana de Lugo e a Mariña, aínda descoñecidos para moitos rapaces.
O Barco Muralla continuará, ademais, promocionando os produtos autóctonos, a plataforma de comercio electrónico www.losproductosdelugo.com ou os establecementos hostaleiros coas marcas de calidade Lugo Sabe e Lugo2. Os tres monitores que haberá na aula medioambiental informarán sobre os recursos naturais da provincia, como as Reservas da Biosfera, o Courel ou a Mariña, como xeradores de riqueza.
Ademais dos cativos, outras 15.000 persoas xa coñeceron a riqueza natural da provincia durante a estancia do Barco Muralla en recoñecidas citas gastronómicos e festexos de toda a provincia, no que volverá a estar presente, aproveitando a afluencia de visitantes para promocionar Lugo.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.