Ribadeo, 12 de marzo de 2014. Ata o vindeiro luns, 17 de marzo, será posible retirar as tarxetas para acudir á III cea de ACISA que terá lugar o 21 deste mes no Parador de Turismo de Ribadeo.
Trátase dunha data especial, xa que se festexará o 25 aniversario da fundación da asocaición, se entregarán os premios ó ribadense e ó socio do ano e aos gañadores do concurso de escaparates do pasado Nadal.
Por primeira vez a cea de ACISA estará aberta a todas aquelas persoas, que non sendo socias, queiran asistir. O prezo para os socios (incluídos acompañantes, familiares e empregados dos establecementos) será de 20 euros. E o prezo para os asistentes que non sexan socios de ACISA será de 30 euros. A data límite para solicitar as invitacións será o vindeiro 17 de marzo. Os interesados deben poñerse en contacto coa oficina de ACISA no seguinte número de teléfono: 982 120 565.
ACISA procede estes días a efectuar o reconto dos votos emitidos polos seus asociados nas últimas semanas para proclamar ó ribadense e ó socio do ano no transcurso da III Cea de ACISA. Por primeira vez a súa xunta directiva realizou unha proposta con varios candidatos, ós que se suman os realizados a título individual e anónimo polos seus socios.
A directiva de ACISA anima “a nuestros asociados y al resto de los ribadenses, que así lo deseen, a compartir con nosotros esta fecha conmemorativa, nuestro 25 aniversario. Es un día muy especial para nosotros, para los que en su momento pusieron en marcha la asociación y para todos los que han formado parte de ella a lo largo de todos estos años”.