O Presidente da Deputación, José Ramón Gómez Besteiro, participou este venres na homenaxe a Melchor Roel, “unha das persoas máis comprometidas e auténticas que coñecín na miña vida”. Gómez Besteiro agradeceu a CC.OO a invitación a este acto, onde expresou o que “significa para min Melchor. E digo significa, e non digo significou, porque aínda creo que vai entrar por esa porta dicindo aquelo de “xefe”, cando todos sabemos que o espírito libre de Melchor era imposible que tivese un xefatura, e porque ninguén morre cando alguén o recorda”.
“Melchor era grande, tan grande que nos deixou a todos co corazón pequeno. Amigo, confidente, compañeiro, estouche eternamente agradecido porque contigo aprendín en Sudamérica o que supón para os galegos a amputación da emigración; porque contigo puiden comprobar como a condición de supervivinte, da que sempre fixeches gala, era contaxiosa, tanto como o activismo que sempre practicaches”.
“Aínda lembrou cando, cun fío de voz e sen a túa melena, quixeches volver a acompañarme nas primarias socialistas, imposible esquecer as túas bágoas cando me nomearon Secretario Xeral. Querido amigo, estouche eternamente agradecido, infinitamente agradecido, porque sempre confiaches en min. Porque sempre confiaches en Viveiro e porque sempre confiaches en facer un Lugo mellor. Porque nunca che deron medo os obstáculos nin as causas perdidas: o laico que fixo de Viveiro a mellor semana santa; o Alcalde que conxugou a tranquilidade de Viveiro co epicentro europeo da música heavy; o galego de corazón urugaio, ¿ou era ó revés…?”
“Amigo, gracias por ensinarme o que é ser rebelde con causa. Porque ti o eras, pero o mellor é que sempre conseguías que nos sumásemos a ela”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
