Se nos contan fai anos que o noso equipo disputaría o Play Off polo título de Liga da Primeira División, moita xente catalogaría esta afirmación como utópica… Burela, un pequeno pobo costeiro na Mariña Lucense demostrou en numerosas ocasións o seu carácter loitador, traballador, tenaz… E si, ese día chegou. Superando duros golpes e tristezas, o Burela Pescados Rubén logrou unha histórica clasificación para os Play Off polo título na Mellor Liga do Mundo. Quedan oito equipos e o Burela Pescados Rubén será o representante galego na carreira polo título de campión. A sétima praza acadada, enfrontaranos un grande do Fútbol Sala como ElPozo Murcia que visitará Vista Alegre o 10 de maio. Imposible? Veremos, pero ese será outro capítulo.
O 25 de abril de 2014, o Burela Pescados Rubén selou en Santa Coloma unha páxina dourada da súa curta historia que nos invita a seguir soñando e gozando entre a élite nacional do Fútbol Sala.
O conxunto dirixido por Juanlu Alonso venceu por 1-2 ao Marfil Santa Coloma tras un choque de máxima intensidade e remontando o 1-0 co que se chegou ao descanso, despois dun primeiro tempo no que os bureleses desaproveitaron numerosas ocasións. Na continuación, o ritmo incrementouse e houbo intercambio de golpes pero o marcador seguía impasible cando se enfilaba a recta final.
A seis minutos para o desenlace, emerxeu a figura do capitán burelés. Juanma nunha acción individual espectacular estableceu o empate (1-1) e acto seguido Mimi conseguía a remontada (1-2). O Marfil buscou o xogo de cinco e o Burela Pescados Rubén, nun par de ocasións, rozou sentencia pero a emoción e os nervios aumentaron aínda máis co penalti sinalado en contra a 20 segundos do final. Sepe executou a pena máxima e Álex redondeou a súa actuación evitando o empate. Sen tempo para máis, o son da bocina certificou a vitoria (1-2) e permitiu o merecido xúbilo laranxa. Noraboa rapaces!!
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
