As flores dun día, sonche flores de usar e tirar, flores que só serven para un momento de esplendor, e que posteriormente se murchan sen máis. Son flores coma as que laboriosamente moitas mulleres e homes de Viveiro, con gran sacrificio preparan nas alfombras florais do día do Corpus.
Admiro e respecto profundamente a toda a xente que traballa polo ben común en organizacións sociais, culturais, deportivas, ong, de muller, relixiosas ou benéficas, sen máis ánimo que mellorar a vida das súas veciñas e veciños ou o benestar do seu pobo.
Así ben, tamén son dos que cree firmemente, nunha sociedade máis xusta e igualitaria. Nunha sociedade na que a liberdade de elección prime sobre a imposición ideolóxica ou relixiosa. Acreditamos polo tanto, nun estado social e laico, no que as persoas exerzan o culto ou formen parte da relixión que consideren oportuna con total liberdade. Un estado laico, e que utilice os seus recursos económicos en garantir os dereitos sociais básicos para os seus cidadáns e no que cada relixión ou congregación se autofinancie coas aportacións dos seus fieis. Esta posición non está enfrontada, co apoio puntual a actividades de interese histórico, turístico e cultural que podan realizar as administracións públicas.
Por isto, dende o BNG de Viveiro, criticamos o gasto do goberno de María Loureiro nas flores do Corpus. Un gasto fora de lugar e innecesario, tal e como se atopa economicamente o Concello de Viveiro, e que debera ser afrontado polos propios fieis da Igrexa Católica se así o desexan. Para nós o primeiro é a atención ás persoas.
A Alcaldesa, xustificou no pleno o gasto pola importancia da Semana Santa de Viveiro, importancia que ninguén nega, pero a Alcaldesa “socialista” non debe confundir un evento puntual de vital importancia turística e cultural, coa totalidade da actividade da Igrexa Católica. Nin debe tampouco confundir, como si o fixo no pleno, a actividade nos colectivos sociais, culturais e deportivos dos concelleiros da oposición, coa súa actividade política. Colectivos nos que non temos constancia da participación da Alcaldesa.
A señora Loureiro, cae nos erros do pasado, deixase guiar polo coñecido ideólogo “socialista”,antes “comunista”, e que basea a súa acción política no odio ao rival e nos ataques persoais. Nós pensabamos que iso formaba parte do pasado, unha mágoa que non sexa así. Viveiro merece outra cousa.
Bernardo Fraga
Portavoz Municipal do BNG en Viveiro.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
