O campo de fútbol O Castro, de Vilaronte, acolleu esta fin de semana a vixésima edición do Torneo de Fútbol 7 que repartiu máis de 1.000 euros en premios.
Videoclub Azor (Burela) proclamouse campión do torneo tras vencer 1-0 na final ante o Mesón O Lar de Manolo que se tivo que conformar coa segunda posición. Ambos recibiron cadanseu trofeo ademais de 700 euros, o primeiro clasificado, e 350 euros o segundo. O terceiro clasificado foi Santa Cruz (Lourenzá) que recibiu 150 euros máis trofeo, tras empatar na semifinal contra os campións (1-1) e perder nos penaltis. O Namarinos (Foz) tamén caeu en semifinais ante o Mesón O Lar de Manolo (3-4) tendo que conformarse cun trofeo como cuarto clasificado.
Álvaro Alonso (Namarinos) tamén recibiu o trofeo como máximo goleador (9 goles) e Javi Fajardo (Videoclub Azor) como o porteiro menos goleado.
Entregaron os premios Antonio Veiga, vicepresidente da Deputación de Lugo; Javier Castiñeira, alcalde de Foz; o concelleiro de Deportes de Foz; Juan Carlos Díaz, do principal patrocinador privado do evento (Eroski City Barreiros); Lara Díaz, xogadora do Foz; e Leticia Otero, presidenta da Asociación Sociocultural Ruxe Ruxe, entidade organizadora do evento.
Desde a organización agradecen “a colaboración de todos os establecementos colaboradores, a participación de todos os equipos, á área de Deporte da Deputación de Lugo, ao Concello de Foz, á Asociación Cultural O Castro de Vilaronte (por cedernos as instalacións); e comunicamos que xa estamos a traballar no XXI Torneo de Fúbtol 7 de Vilaronte”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
