O Consello Aberto Nacional de Espazo Ecosocialista, reunido en sesión ordinaria hoxe sábado 20 de setembro, abordou o inicio do curso político que estará condicionado polo proceso previo ás próximas eleccións municipais.
Para Espazo Ecosocialista estamos diante dunhas eleccións de marcado carácter político pois forman parte do episodio de cambio político nos que se ten que dilucidar o resultado dun proceso constituínte aberto de facto e tamén porque os seus resultados van a ser determinantes no proceso de reconstrución que vive a esquerda.
De feito son as eleccións que poden servir para pechar o marco aberto simbolicamente polo movemento 15M durante as pasadas eleccións municipais. Trátase, nese senso, dunhas eleccións nas que o importante non serán as actas de concelleiros/as que se obteñan, senón a perspectiva de cambio que se lle dea as mesmas.
O movemento do 15M, a crise da política clásica, a irrupción de AGE, as Marchas da Dignidade ou o xurdimento de Podemos son capítulos dese mesmo marco de cambio ligado ao esgotamento dun modelo político que concibe a democracia como instrumento dunhas relacións de poder ilexítimas, e que agora abre unha nova etapa na que democracia empeza a ser entendida como unha expresión complexa de carácter cívico e cultural.
Nestes días están a xurdir diferentes iniciativas, chamamentos e manifestos na liña de como abordar ese novo tempo. Algunhas experiencias unitarias como ACE en Cangas; experimentación política a partir da necesidade de abrir un camiño, como Ames Novo, ou manifestos de cambio como Marea Atlántica na Coruña, son os máis significativos e marcan os pasos a dar.
Para Espazo necesitamos procesos cidadás e inclusivos, onde os partidos que decidan somerxerse no medio das augas da Marea o fagan ‘desarmándose’ e cedendo a súa soberanía as cidadás. Non se trata de se a converxencia se produce nos marcos da esquerda ou dos do nacionalismo, pois situando a proposta programática na esquerda e sendo o carácter nacional o factor político para vertebrar hexemonías, a chave neste momento esta no factor democrático. Non abonda coa mera unidade como elemento agregativo de siglas, senón que cómpre a cooperación política entre espazos culturais e cidadáns.
Espazo entede que para construír a alternativa democrática faise necesario o entendemento dos espazos de AGE e de Podemos, máis alo das siglas concretas.
Espazo Ecosocialista anima aos seus membros e simpatizantes a participar dos procesos cidadáns abertos, nomeadamente mareas, situando con claridade aqueles elementos estratéxicos, programáticos e metodolóxicos necesarios que desenvolvera na “Conferencia política sobre a construción de alternativas nos concellos” que convoca para o sábado 8 de novembro de 2014.
Ademais o Consello Aberto de Espazo aprobou unha declaración institucional coincidindo co día internacional da Paz onde se “reitera o seu compromiso pacifista, en favor do DEREITO DOS POBOS, DE TODOS OS POBOS, A VIVIR EN PAZ, da solución pacífica e diplomática dos conflitos, da aplicación respetuosa da legalidade internacional, da nonviolencia e a renuncia á forza militar nas relacións internacionais, e a prol da cultura da paz, principios todos eles contemplados na Carta Fundacional das Nacións Unidas e violentados permanentemente polas grandes potencias, as mesmas que teñen dereito de veto no Consello de Seguridade e os principais exportadores de armas no mundo.”
Incorporanse a Espazo Carlos Etchevarria e Elias Pérez Sanchez
O Consello Aberto de Espazo ratificou as incorporacións do terceiro trimestre do ano. En total 25 altas, entre as que cabe destacar os Carlos Etchevarria e Elias Pérez Sanchez referentes éticos e políticos do republicanismo socialista.
Carlos Etchevarria, Presidente-fundador do Ateneo republicano de Galicia (A Coruña) (1998-2009), membro da Junta Democrática e do PSP de Tierno Galvan.
Elias Pérez, foi membro da corrente Esquerda Socialista e recentemente coordinador galego de Cli-AS. Ademais presidiu a plataforma polo Dereito a Morrer Dignamente.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
