O Burela FS Pescados Rubén disputa a segunda eliminatoria da Copa do Rei este martes, 14 de outubro, na pista do vigués CD Mosteiro Bembrive FS, de Segunda B, en partido único previsto para as 21.00 horas.
O primeiro rival dos laranxas, que rematou a tempada pasada como segundo clasificado, conseguiu o pase a esta rolda tras a vitoria nos penaltis fronte ao campión da categoría en 2013-14, Cidade de Narón (3-3). A pasada fin de semana o conxunto pontevedrés acadou o triunfo na súa estrea ligueira logo de vencer no feudo do Leis Pontevedra por 3-5.
O Burela Pescados Rubén afronta esta eliminatoria como favorito ante un conxunto de categoría inferior e no que “temos moito que perder e pouco que gañar” indicou Juanlu Alonso que engadiu que “a pesar diso, imos ter a cabeza fría, a nosa competición é a Liga. Nesta competición tamén queremos gañar, pero non imos correr riscos innecesarios”.
Miguel, por precaución, e Isi, con sobrecarga muscular, non estarán na convocatoria do encontro que está formada por: 1. Edu, 3. Jorge Bellvert, 5. Iago Míguez, 10. Matamoros, 11.Chano, 13. Álex, 19. Erik, 27. Carlitos, 23. Antoñito, 27. Renato 30. Hélder. 29. Ángel.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
