Burela, 5 de novembro do 2014.- Os alumnos do curso de Promoción Turística e Información ó Visitante do Centro de Formación Ocupacional do Concello de Burela, veñen de realizar varias visitas guiadas a diferentes localidades da Mariña coma Burela, Alfoz, Mondoñedo, Ribadeo ou a diferentes puntos do concello de Cervo (diante o Museo do Mar na fotografía).
Trátase de exercicios prácticos nos que eles mesmos exercen como guías turísticos, profesión para a cal se están a perfeccionar, xa que unha boa parte deles xa ten asumido labores vinculadas ó devandito eido no pasado. Agardan que, en breve, as diferentes institucións locais conten con eles para levar a cabo as funcións de información turística na que se están a formar dende comezos do verán.
O venres 31 de outubro tivo lugar a derradeira visita do curso, xa que en poucos días todos eles estarán realizando prácticas en diversas dependencias institucionais da comarca. A peculiaridade da visita a Cervo radicou en que todo o exercicio foi realizado en inglés, xa que este continxente de mariñáns está a prepararse para dar resposta ao turismo actual, cosmopolita e exixente.
Este último desprazamento comezou en San Cibrao, onde visitaron a Punta Atalaia, os xacementos do castro da Atalaia, a capela de San Cibrao, a ponte medieval e o Museo do Mar. Xa en Sargadelos, comezaron visitando o Museo Histórico, os antigos fornos e o Paseo dos Namorados, rematando coa inexcusábel visita á histórica fabrica de cerámica, onde puideron observar o proceso de creación destas pezas de sona internacional.
Lionel Rexes
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
