Burela, 15 de novembro de 2014. Burela celebrará o 25 de novembro cun seminario, unha pancarta, unha concentración e a lectura dun manifesto, entre outras actividades, que deu a coñecer este sábado a concelleira de Igualdade, Diana Durán.
O vindeiro 24 de novembro a antiga biblioteca será escenario do II Seminario sobre Violencia de Xénero, que organiza o Concello xunto a asociación Mulleres en Igualdade Burela. A cita xirará entorno á Mocidade ante a violencia de xénero.
Xa o 25 de novembro desenvolverase o acto institucional para conmemorar o día internacional para a eliminación da violencia contra as mulleres. Segundo explica a concelleira de Igualdade, Diana Durán, “ao longo da mañá distribuiremos por Burela lazos de cor morada e tamén a publicación realizada cos microrrelatos gañadores do ano 2013. Colocaremos na entrada do Concello un libro de sinaturas onde aquelas persoas que o desexen poderán deixar a súa opinión e verbas sobre esta lacra social. Ademais haberá unha mesa informativa, promovida por Mulleres en Igualdade Burela, onde entre outras informacións serán repartidas guías de corresponsabilidade, manuais de prevención do acoso por motivo de xénero no traballo, manual de prevención de violencia de xénero e boas prácticas, etc”.
Para as 18 horas do 25 de novembro está prevista unha xuntanza/concentración no salón de plenos do Concello como acto de repulsa contra a violencia de xénero. “Alí todas as persoas que nos reunamos gardaremos un minuto de silencio polas mulleres asasinadas polas súas parellas, en mostra de apoio ás vítimas e como acto de repulsa a esta lacra. Tamén se proxectará un vídeo para sensibilizar sobre esta problemática social”, engadiu Diana Durán. A continuación terá lugar a entrega dos premios aos gañadores do VIII Concurso de Microrrelatos e do IV Concurso de Lemas, así coma os diplomas acreditativos de asistencia ás mulleres participantes nos últimos cursos que o Concello organizou para elas. O acto pecharase coa lectura dun manifesto a cargo do alcalde, José Mª González Barcia.
Xa hai semanas que a Concellaría de Igualdade ven desenvolvendo diversas actividades para conmemorar o 25 de novembro. Durán lembrou que “xa proxectamos o documental Muller (es) Muller nos IES Monte Castelo e Perdouro, así coma unha master class co alumnado dos centros. Temos en marcha desde o pasado 3 de novembro e ata o 1 de decembro un curso de fotografía para mulleres e o 5 deste mes impartimos outro de creatividade e as mozas e os mozos de Burela de entre 14 e 18 anos participaron nun cásting para gravar unha curtametraxe pola igualdade de oportunidades e contra a violencia de xénero. E ademais temos en marcha os concursos de Microrrelatos e de Lemas”.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
