O Burela FS Pescados Rubén recibirá este sábado en Vista Alegre ó AD Alcorcón en duelo de altos voos. A novena xornada de Primeira División RFEF entre a terceira praza mariñá (18 puntos) e a cuarta madrileña (16) dará o pistoletazo de saída ás 18.30 horas.
“É un partido de gran responsabilidade” adiantaba Quico Otero, incidindo na transcendencia destes tres puntos en xogo: “O Alcorcón chegará doído pola derrota con Navalcarnero (3-4); quererá sacar os tres puntos para non descolgarse demasiado da cabeza. Para nós tamén é un encontro importantísimo. Os dous chegamos nunha situación parecida”.
“Alcorcón é un equipo da nosa liga; esperamos a un rival que xogue de ti a ti, como xa experimentamos o sábado, con Roldán. Debemos responder conxugando intensidade e seguridade, estar ao cento por cento para non deixar escapar os tres puntos de Vista Alegre ante un persoal longo con moitas alternativas en ataque”, adiantaba o adestrador mariñán.
No vestiario laranxa, Quico Otero contará coas baixas case seguras de Kiko, por enfermidade -que xa non viaxou a semana pasada-, e Gaby, que non puido adestrar en toda a semana por unha posible lesión no psoas. A internacional Peque incorporarase ó grupo esta tarde na última sesión da semana, logo de disputar con España dous amistosos en Hungría fronte á selección anfitrioa. A meta Patri, que ós poucos está entrando na dinámica do equipo, aínda presenta algunhas molestias.
Burela Pescados Rubén: 1. Jozi 3. Cristina, 5. Claudia, 7. Peque, 9. Gaby, 10. Lara, 13. Patri, 14. Bea Mateos, 17. Maite, 18. Shiori, 19. Paula, 20. Tainã.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Unhas xornadas participativas nas que se abordarán temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asociación Xubilados Terramar. O primeiro será este mesmo martes, 13 de maio, baixo o título: Coñece os teus dereitos como consumidor. Será ás 18:30 horas. No local social da asoc de Xubilados Terramar, na Casa do Mar.
Este domingo compartiu unha emotiva comida coa súa familia e recibiu tamén a visita do alcalde, Demetrio Salgueiro, e da concelleira de Servizos Sociais, Tamara Soto, que lle transladaron os seus parabéns. Un século de vida, historias e sabedoría compartida. Un día inesquecible rodeado de agarimo.
