Cervo, 18 de decembro de 2014.- O 31 de decembro celebrarase en San Cibrao a I Carreira Solidaria San Silvestre, un evento co que se pretende recadar fondos para accións sociais. Nela poden participar persoas de todas as idades xa que os percorridos son diferentes segundo as categorías. Así, na absoluta (1996 e anteriores) completaranse 5.500 metros; na xuvenil (1997 ata 2000) 1.500 metros e na infantil (2001 en diante) 200 metros.
En todos os casos a saída realizarase dende a Casa do Mar; ás 11:30 h. os nenos, ás 11:40 h. os mozos e ás 12 h. os adultos. Para poder participar é necesario inscribirse e, ademais, nas categorías absoluta e xuvenil, terá un prezo de 1 euro a modo de doazón, que será destinado a Cruz Vermella Burela e a Cáritas Cervo. O prazo está aberto ata o 29 de decembro e pode realizarse na web www.championchipnorte.com, na Casa do Mar todos os venres de 16:30 a 17:30 ou por mail en asociacion.arroutados@gmail.com.
As persoas participantes recibirán unha camisola de algodón conmemorativa e tamén haberá avituallamento final e zona de duchas. Ademais, ofreceranse lambonadas a todos os corredores infantís; agasallos para os tres primeiros masculinos e femininos na categoría de mozos; e agasallos para os tres primeiros masculinos e femininos, e mellor cervense masculino e feminino en adultos.
Ese mesmo día instalarase un Mercado solidario cos produtos do Centro de Axuda ao Enfermo Mental A Mariña e un mercado de alimentos de Comercio Xusto promovido por Cáritas Cervo.
Un evento que organizan a Asociación Cultural Arroutados e a Comisión de Festas do Carme e que conta coa colaboración do Concello de Cervo, Cruz Vermella Burela, Cáritas Cervo, Medela MTB, Asociación de Axuda ao Enfermo Mental A Mariña, El Progreso, Asociación A Sombriza e o Club Deportivo San Ciprián. De feito hoxe varios representantes das asociacións e entidades implicadas presentaron o cartel da actividade.
O presidente de Arroutados, Marcos González, destacou a vocación solidaria desta carreira, “coa que queremos apoiar a aquelas entidades que realizan unha importante labor social no noso entorno como forma de axudar ás persoas que máis o necesitan”. Pola súa banda o presidente da Comisión de Festas, José Ramón Soto, resaltou “a unión de esforzos de moitas entidades, que se xuntaron para colaborar nunha boa causa”. Tamén deu as grazas de antemán a todos os corredores, tanto aos xa inscritos como a todos os que participarán, “pola súa solidaridade e preocupación polos demais”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
