Bruxelas, 27 Xaneiro 2015. A eurodeputada de Alternativa Galega de Esquerda, Lídia Senra, mantivo este martes unha xuntanza coa Ministra de Agricultura, Alimentación e Medio Ambiente, Isabel García Tejerina. Dito encontro, con titulares e suplentes das comisións europarlamentarias de agricultura e pesca, foi solicitado pola propia Ministra e tivo lugar en dúas quendas. Senra, como titular do Grupo Conferedral da Esquerda Unitaria Europea-Esquerda Verde Nórdica (GUE/NGL) para a Comisión de Agricultura e suplente na de Pesca, estivo presente este martes en ámbalas dúas xuntanzas.
Tejerina encetou a reunión sobre temas agrarios elaborando un índice dos aspectos que se están a tratar nestes momentos na Comisión de Agricultura do Parlamento Europeo (PE), tales como os regulamentos relativos á agricultura ecolóxica, sanidade vexetal e animal, pensos medicamentosos, clonación de animais ou o paquete lácteo.
En relación a este último punto, Lídia Senra transmitiu “a nosa enorme preocupación pola crise que se aveciña co fin das cotas como instrumento de control da produción láctea e a ineficacia demostrada xa coas medidas do paquete lácteo postas en marcha “. Neste senso, dende AGEe sinalámoslle a Tejerina a pertinencia de que o Ministerio faga “unha fonda análise e reflexión” da actual situación no sector, así como de “apostar claramente por manter as cotas como un instrumento de control da produción e traballar para un reparto xusto do dereito a producir entre labregos e labregas de toda a UE”.
Aliás, en materia de agricultura a eurodeputada galega puxo tamén enriba da mesa a problemática dos tratados de libre comercio cos EEUU (TTIP) e Canadá (CETA), solicitando que se suspendan as negociacións destes acordos “polo que supoñen en canto á destrución de postos de traballo nas explotacións labregas, un dano totalmente inaceptábel cando ademais a alimentación básica pode ser producida a nivel local e adquirida en circuítos curtos de comercialización, cuestión fundamental tamén na loita contra o cambio climático”.
Asemade, Senra manifestou a preocupación de AGEe en relación á negativa afección destes acordos de liberalización comercial en relación aos sectores produtores no seu conxunto e a ferramentas de protección moi importantes para Galiza como son as Denominacións de Orixe.
Pesca
Nesta reunión a ministra Tejerina esbozou tamén primeiramente o abano de temas que se están a tratar actualmente na Comisión de Pesca e que afectan directamente ao Estado español.
Lídia Senra interveu para plantexar a cuestión da prohibición das redes de mallas á deriva, defendendo “a necesidade de excluír desta prohibición as artes de pesca artesanal, como é o caso do ‘xeito’ na Galiza”, ao que a ministra respostou confirmando que “salvagardar o xeito e o sardinal” é tamén a posición do Ministerio neste momento.
Seguidamente a eurodeputada galega chamou a atención de Tejerina sobre “a problemática que están a xerar as cotas de pesca na Galiza”, reclamando “a necesidade de revisar tanto a asignación das mesmas ao Estado como o reparto que fai o propio Estado, así como que a pesca artesanal quede excluída da aplicación das cotas”. Neste aspecto non houbo ningún tipo de interacción por parte da ministra, quen se limitou a defender a situación actual.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
