O Burela FS Pescados Rubén selou a súa presenza na finalísima da Copa Galicia, despois de impoñerse onte nas semifinais ao Cidade das Burgas (1-2) na súa visita ao pavillón ourensán dos Remedios. As pupilas de Quico Otero buscarán validar o título conseguido en Ferrol en 2014; o gañador entre Viaxes Amarelle e Ourense Envialia, con encontro previsto para o mércores 21 na cidade herculina (21.00 horas), será o rival das laranxas na gran final.
O cadro mariñán levou o peso nunha cita na que o Cidade das Burgas despregou un excelente traballo defensivo e obrigou ao Burela FS Pescados Rubén a un gran desgaste. “Dende o comezo o Cidade amosou presión arriba, o que nos obrigou a elaborar máis as xogadas. Contou con tan só dúas ocasións de cara á portería e nunha delas chegou o gol, nun erro noso na saída de balón, que roubaron ao bordo da área” recordaba así Quico Otero o tanto das ourensás, que lles deu a vantaxe na primeira parte, de Vane (minuto 12).
Tras o descanso, o equipo burelista incrementou a súa presión ante o sólido peche das Burgas. Insistiron as de Quico Otero ata que no minuto 31 Peque puido romper a primeira liña defensiva en xogada persoal. A falta de catro minutos para o asubío final, as ourensás apostaron por xogo de cinco sen xerar apenas perigo para as filas burelistas. O gol da vitoria rubricouno Shiori, xa no 36, a porta baleira, nunha triangulación con Peque e Gaby.
Cita ligueira
Xunto á boa nova do billete para a final, o Burela FS tamén puido contar este mércores co regreso á pista de Bea Mateos, tras a lesión de xeonllo que a tivo apartada nas últimas semanas. Agora toca pensar no próximo rival de Primeira División RFEF, o sábado, con Ordizia (18.45 horas): “Temos por diante adestramento hoxe e mañá pola tarde, antes de viaxar o sábado pola mañá. Esperamos que o gran desgaste de onte non nos prexudique o partido” adiantaba Quico Otero antes de reencontrarse coas súas xogadoras para ultimar a preparación da 14ª xornada.
Ficha técnica
Cidade das Burgas: Ana, Candela, Lucía Nespereira, Maria Arias, Vanessa, cinco inicial; tamén xogaron Lucía Álvarez, Sonia, María Rego.
Burela FS Pescados Rubén: Jozi, Claudia, Peque, Maite, Shiori, cinco inicial; tamén xogaron Taina, Gabriela, Kiko, Lara, Bea Mateos.
Goles: 1-0, minuto 12, Vane; 1-1, minuto 31, Peque; 1-2, minuto 36, Shiori
Árbitros: Vilas Martínez // De la Iglesia Castelao (Santiago)
Tarxetas: Por Cidade amarela a Lucía Nespereira e Vane. Por Burela FS amarela a Peque.
Incidencias: Partido correspondente ás semifinais da Copa Galicia disputado no pavillón ourensán dos Remedios.
*FOTO: Marián García Mesa (xornada 3 Primeira División RFEF).
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
