O Calendario Laranxa volve en 2015 para buscar un pequeno oco para o fútbol sala nos fogares da Mariña. Como xa é tradición, o almanaque do CD Burela FS Pescados Rubén incorpora a axenda ligueira dos equipos sénior, de Primeira División LNFS e RFEF, ata finais de 2014-15, ademais dun póster central con representación de todos os equipos da Familia Laranxa. Este ano a portada e a contraportada están dedicadas aos máis pequenos entre as xoias laranxas, a categoría prebenxamín.
Xogadoras, xogadores e corpos técnicos burelistas de Primeira División amosan ao longo dos meses, en curiosas e divertidas instantáneas, a Kessarys Joyeros, restaurante Mis en Plas, Concello de Burela, Alain Afflelou Óptico, cafetería Vista Alegre, 3A Consultores, Frenos Carpe, Pescados Rubén SL, confitería La Alianza, Living Sport Foz, Hotel Galatea e Alba Vila Centro de Dietética e Nutrición.
O calendario estará dispoñible (prezo, 3 euros) nas oficinas do club (avenida Arcadio Pardiñas, número 91) e no pavillón Vista Alegre, coincidindo cos partidos laranxas sénior, ademais das librerías burelás Atril, Kiosco de Alicia e Espacio Lector Nobel e na empresa colaboradora Alba Vila.
O CD Burela FS Pescados Rubén quere amosar o seu agradecemento aos establecementos, empresas e Concello colaboradores na realización do Calendario Laranxa 2015, con fotografía de Marián García Mesa e impresión de Gráficas Arfe.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
