A Fundación TIC, dependente da Deputación, será a encargada un ano máis da emisión por streaming do VIII Campionato Internacional de Baristas de Escolas de Hostalería e o III Campionato Internacional de Baristas Profesionais, que organiza o IES de Foz. Os alumnos de 2º de Realización da Escola de Imaxe e Son serán os encargados da realización, gravación e emisión en directo do evento. Trátase dunha práctica nun escenario real, un dos sinais de identidade da formación que se imparte na EIS.
Este ano, ademais do campión de España, Adrián Fernández, tamén participarán os campións de Cantabria e da Comunidade Valenciana. Como novidade e colofón do programa, haberá unha demostración de técnicas de mixoloxía molecular aplicadas ao mundo do café.
Grazas ao convenio entre a TIC e o IES de Foz, todos os interesados poderán ver os detalles das probas e seguilas a través da súa páxina web www.fundaciontic.org desde calquera parte do mundo, do mesmo xeito que na edición pasada, onde se erixiron campionas en primeiro lugar a Escola de Hostalería de Viana do Castelo, en segundo, a de Sober e, en terceiro posto, a de Foz. Neste centro mariñán máis dun cento de mozos estudan cociña e 30, servizos de restauración.
Desenvolvemento do programa
As demostracións arrancarán o luns, 9 de febreiro, ás 17:30 horas co VIII Campionato Internacional de Baristas de Escolas de Hostalería 2015, no que participan 15 centros de España e 2 de Portugal. O martes, a partir das 9:00 horas desenvolverase a final do campionato e ás 13:30 haberá unha demostración de coctelería a cargo de “MONIN Gourmet Flavorings”. Por último, o mércores terá lugar a Final do III Campionato Internacional de Baristas Profesionais, que reunirá a 12 especialistas desta disciplina. Amosarán as súas habilidades, entre outros, os campións baristas de Cantabria, da Comunidade Valenciana e o actual campión de España, Adrián Fernández. Tamén o mércores, ás 14:00 horas, haberá unha demostración de “Técnicas de Mixoloxía molecular aplicadas ó mundo do café”, a cargo de Diego Mosquera, profesor de servizos de Restauración do IES Vilamarín de Ourense.
Práctica nun escenario real
A actividade da TIC é unha práctica do módulo de Realización de Televisión da EIS e nela os alumnos de 2º de Realización, co apoio de docentes, emitirán as probas dos tres campionatos a través da páxina web da TIC. Ademais, os que se acheguen ata ó instituto focense poderán seguir as demostracións dos participantes sen perder detalle, grazas a dúas pantallas de plasma. Coma noutras edicións, o material audiovisual que se obteña empregarase para a edición dun DVD, que se entregará posteriormente ao IES de Foz. Para esta práctica, os alumnos da EIS empregarán unha unidade móbil, 5 cámaras autónomas e o material para o streaming. Cada estudante rotará por todos os postos, dende realización, son ou operador de cámara, e estarán pendentes de todo o equipo necesario para o directo.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
