Cervo (Lugo), 9 de febreiro de 2015.- O presidente do Goberno galego, Alberto Núñez Feijóo, avanzou este luns que a Xunta investirá este ano preto de 4 millóns en mellorar o acceso ao gas natural na Comunidade para acadar que en 2020 sexan un 80% máis os polígonos industriais que dispoñan deste servizo.
Durante a inauguración do gasoduto da Mariña, Feijóo afirmou que con esta infraestrutura o Goberno galego reafirma a prioridade máxima da súa política enerxética, que busca mellorar o acceso ao gas natural en toda Galicia e, neste sentido, incidiu en que se hoxe en día son 44 os polígonos que empregan gas natural -un 158% máis con respecto a 2009-, o obxectivo é que no 2020 sexan 80; é dicir, un 80% máis.
Así mesmo, subliñou que se no ano 2009 o número de concellos que tiñan gas natural en Galicia eran 28, hoxe son 69 “o que supón un incremento do 147%”, dixo, ao que engadiu que se en 2009 o número de persoas que tiñan gas na Comunidade eran 700.000, agora son 1,8 millóns de galegos -un incremento do 152%-. E no que se refire ao número de vivendas con gas natural, este aumentou nos últimos cinco anos un 114%.
Ante estas cifras, Feijóo afirmou que “a pesar da recesión económica esas infraestruturas que non se ven creceron máis que nos momentos de benestar e temos que seguir nesta liña”.
Revitalizar o tecido industrial da fachada norte de Galicia
Ademais de revitalizar o tecido industrial da fachada norte de Galicia, Feijóo afirmou que nesta infraestrutura atópase unha clara aposta pola vertebración do territorio que contribuirá a mellorar a calidade de vida dos cidadáns, que favorecerá un maior aforro para as familias, e que mellorará a competitividade das pequenas e medianas empresas da comarca.
Non en van, esta obra suporá beneficiar 55.000 veciños da área, que poderán ter opción dun novo combustible; aumentará a competitividade das empresas locais; “e permitirá ofrecer nos portos da Mariña un novo sistema enerxético de propulsión, o GNL, combustible para os barcos de pesca”.
O gasoduto da Mariña, imprescindible para garantir a viabilidade da planta de Alcoa
Neste mesmo sentido, Feijóo afirmou que se trata dunha infraestrutura imprescindible para a planta de Alcoa, un dos complexos industriais máis importantes de Galicia e o principal motor económico da Mariña lucense. “O novo gasoduto da Mariña propiciará que a planta de alumina do complexo Alcoa San Cibrao, en Cervo, abandone o consumo do fuel e empregue unicamente o gas natural como combustible nos seus procesos de produción”, dixo.
“Estamos a falar de que a fábrica de Alcoa en Galicia é a maior de España e dá emprego a 1.600 traballadores. Trátase da única planta da multinacional que produce a materia prima básica -procedente da bauxita- para toda Alcoa en Europa”, asegurou, logo de garantir o compromiso da Xunta para seguir acompañando as empresas galegas para que poidan crecer, gañar en competitividade, e axudar así ao progreso económico.
E, nesta liña, fixo fincapé en que o gasoduto forma parte deste obxectivo: “Estamos a falar, dun fito na política enerxética de Galicia porque contribuirá a implantar unha fonte de enerxía beneficiosa non só para mellorar a calidade de vida das persoas da Mariña, senón para incrementar a competitividade da pequena mediana empresa”, asegurou.
Respecto polo medio ambiente
Durante a súa intervención, Feijóo incidiu en que esta infraestrutura abastecerá unha empresa vital para esta comarca, como é a multinacional do aluminio Alcoa e salientou que o gas natural acehga beneficios en tres ámbitos clave: desde o punto de vista económico, xa que mellora a competitividade das empresas; desde o punto de vista enerxético, porque contribúe a elevar o grao de eficiencia; e desde o punto de vista ambiental é unha enerxía respectuosa co contorno natural.
No tocante ás características técnicas, o responsable do Goberno autonómico destacou que esta infraestrutura conta cunha lonxitude de 65 quilómetros; percorre, enterrado na súa totalidade, os concellos de Ribadeo, Barreiros, Foz, Burela, Cervo, Xove e Viveiro; conecta a planta de Alcoa co ramal do gasoduto Llanera-Vilalba; “e o prazo para a súa execución foi de nove meses, cun investimento próximo aos 65 millóns”.
Así mesmo, aseverou que a construción desta obra realizouse respectando o medio ambiente. Como proba disto, lembrou que “un dos principais retos construtivos foi o cruce do río Grande, que desemboca na ría de Ribadeo, onde foi necesario executar a perforación dirixida máis importante feita en España nos últimos anos para este tipo de infraestruturas, con case un quilómetro de lonxitude e profundidades de máis de 70 metros”. E, resaltou que esta nova canalización permitirá diminuír nun 26% as emisións de dióxido de carbono á atmosfera.
Feijóo concluíu insistindo en que a entrada en funcionamento do gasoduto da Mariña é unha aposta por revitalizar o tecido industrial da fachada norte de Galicia, “froito do esforzo compartido e unha oportunidade para achegar á poboación e ás empresas as vantaxes dunha enerxía máis eficiente e económica”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
