A Pontenova, 10 de febreiro de 2015. A asemblea local do BNG na Pontenova aprobou o primeiro tramo da candidatura que concorrerá ás eleccións municipais de maio. Estará encabezada por Mónica Rancaño Freire, enxeñeira agrónoma de 34 anos que traballa como xerente do Grupo de Desenvolvemento Rural 3, que engloba ao Concello da Pontenova. Entre os retos que se marcan está traballar contra o despoboamento, apostar por potenciar os recursos propios do concello como o sector agro-gandeiro, impulsar o comercio e hostalaría local, mellorar os servizos sociais, crear un centro de día e ordenar o territorio coa aprobación do Plan Xeral de Ordenación Municipal.
Mónica Rancaño Freire, é coñecedora das capacidades no desenvolvemento local que ten A Pontenova polo seu traballo como xerente do Grupo de Desenvolvemento Rural Montes e Vales no que se integran entre outros o concello da Pontenova por isto a candidatura que encabeza aposta por aproveitar os recursos propios do territorio como o sector agro-gandeiro e forestal, o sector turístico vinculado á pesca, patrimonio e natureza e o comercio e a hostalería local. Vinculado ao desenvolvemento local e as expectativas de futuro débese facer o esforzo para frear o despoboamento pola falta de oportunidades, neste sentido consideran que o actual goberno local non fixo nada para evitar a perda de poboación xa que o concello perdeu desde o ano 2007 case un 15% da súa poboación. Para o BNG na Pontenova outra das necesidades importantes é mellorar os servizos sociais e entre eles a creación dun centro de día para as persoas maiores.
A asemblea local aprobou por orde de lista a presenza das seguintes persoas na candidatura:
1.- Mónica Rancaño Freire, actual concelleira, enxeñeira agrónoma, xerente do GDR Montes e Vales.
2.- Xorxe Gómez Rico, responsábel local do BNG, perruqueiro.
3.- Carme Otero Ruiz, fisioterapeuta
4.- Manuel Rodríguez Méndez, labrego, membro da SAT Labregos de Lugo.
5.- Xián Rodríguez Puente,titulado en ciencias ambientais, 22 anos.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
