A inauguración polo Presidente da Xunta, Alberto Núñez Feijóo, e os responsables das multinacionais Gas Natural e Alcoa, do gasoduto da Mariña lucense supón a culminación dun ambicioso proxecto, executado con axilidade e dirixido a proporcionar unha enerxía a prezos máis competitivos e medioambientalmente máis respectuosa, tanto para fogares como para empresas.
Ao longo dos seus 65 km de percorrido, nos que atravesa os termos municipais de Ribadeo, Barreiros, Foz, Burela, Cervo, Xove e Viveiro, implica unha inxección de progreso para a nosa comarca, xunto a unha razón máis para multiplicar a capacidade de atracción de novos proxectos empresariais, riqueza e emprego.
Acertan aqueles que miden o alcance desta infraestrutura polos beneficios colectivos que trae aparellada, xa que logo permite debuxar unha Mariña lucense máis competitiva, máis preparada cara o futuro, cunha vantaxe para mellorar e con capacidade real e directa para reducir as nosas facturas.
Non podemos esquecer que preto de 55.000 fogares terán a opción de escoller, unha enerxía máis limpa e barata. O gas natural ten demostrado ser un combustible máis eficiente para quentar fogares, cociñar, para quentar a auga, mellorando a calidade de vida de millóns de usuarios.
Tampouco hai que esquecer o interese estratéxico dunha enerxía capaz de dar cobertura ás empresas da Mariña, como a factoría de Alcoa en San Ciprián, que grazas ao gasoduto completará o proceso de transformación das súas instalacións de fueloil a gas. Trinta millóns de euros en investimentos que afianzan esperanza e permiten ver con maior tranquilidade o futuro.
Non é menos importante o abano de oportunidades que se abre para comercios e empresas locais, das máis grandes ás máis pequenas, ou para industrias situadas nos nosos polígonos ou nos portos da Mariña, xa que permitirá ofrecer ás embarcacións pesqueiras un novo sistema enerxético de propulsión, o combustible licuado.
Disporemos de máis enerxía para impulsar os principais motores económicos da nosa comarca. Supón xerar futuro para que A Mariña lucense medre. Supón contribuír dun xeito eficaz a ese grande obxectivo que centra todos os nosos esforzos: afianzar a recuperación económica para que, por fin, poida chegar a todos.
Conseguimos un novo fito histórico e por iso, amosamos o noso total apoio a aqueles que, como o Presidente Feijóo ou o Goberno central, impulsores desta iniciativa, cren na Mariña lucense e o demostran con lealdade, transformando as súas palabras e os seus compromisos en feitos. Unha vez máis cumpren coa Mariña. Neste caso, como protagonistas activos dun esforzo compartido que achega 35 km de progreso para A Mariña lucense.
José Manuel Balseiro Orol
Secretario do Parlamento de Galicia.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
