A Universidade de Alacante sacou tallada dos resultados dos equipos que lle anteceden na táboa para meterse de cheo na loita pola Copa de España tras superar por 3 a 1 en terras levantinas ao Burela FS Pescados Rubén no regreso de Carlos Navarro ao banquiño local.
A primeira parte resultou de poder a poder entre alicantinas e burelesas, na que ambos equipos buscaban de inicio facerse coa manixa do partido e presionar a saída do balón rival. O primeiro tanto demoraríase ata os quince minutos de xogo, obra de Sara a pase de Rocío ao segundo pau culminando unha rápida transición ofensiva. Pouco máis tarde, sen dar tempo a que o Burela se refixera chegaba o segundo das locais obra de Andrea Lacrampe cun gran control na zona de pívot aproveitando un envío en longo de Jenny para bater a Jozi.
Xa na segunda parte, o Burela intentou subir a intensidade da súa presión, ante unha UA que realizaba continuas rotacións de banquiño. Co paso dos minutos o cansazo comezaba a facer mella nas visitantes que ademais se vían obrigadas a optar polo xogo de cinco, tralo tanto en propia mete de Peque de cabeza no seu intento de interceptar un pase en longo de Jenny. A seis minutos do final, Gaby xa co xogo de cinco conseguía recortar distancias. Baixo esta premisa táctica as lucenses conseguían facerse co control do xogo, pero faltoulles sorte na definición para poder remontar un marcador que quedaría inamovible.
Ficha técnica
Universidade de Alacante: Jenny; Txitxo, Andrea Lacrampe, Pao e Sara (quinteto inicial). Tamén xogaron, Andrea, Mónica, Amelia, Rocío, Andrea Castelló e Lara.
Burela: Jozi; Peque, Gaby Maite e Paula (quinteto inicial). Tamén xogaron, Cris, Claudia, Lara, Kiko, Shiori e Tainä.
Pavillón Universitario. Preto de 450 espectadores. Colegiados, Pascual López e Fernández Fuster do colexio valenciano. Amonestaron con cartulina amarela a lara, Rocío e Amelia na UA e a Peque no Burela.
Goles
1-0, min 15 Sara
2-0, min. 18 Andrea Lacrampe
3-0, min. 33 Peque (propia porta)
3-1, min. 34 Gaby
Crónica de Gustavo Voces (ACFSF)
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
