Ribadeo, 13 de marzo de 2015. A Asociación de Profesores de Automoción de Galicia (APAGA), que preside o ribadense Álvaro Doural, dará a coñecer os atractivos de Ribadeo nas visitas que realizará este ano á República Checa, Alemaña e Italia. Así o anunciaron hoxe responsables do colectivo e o alcalde, Fernando Suárez.
O rexedor municipal ribadense destacou que en APAGA “son moi activos, con diversas iniciativas que están facendo nestes últimos anos e ademais agora con unha singular, que nos parece moi interesante: a través de fondos europeos van facer unha serie de visitas e intercambios con diferentes países da Unión Europea para adquirir novos coñecementos e experiencias de cómo se están facendo as cousas noutros lugares, concretamente na República Checa, en Alemaña e en Italia. E dende o Concello de Ribadeo apoiamos estas iniciativas, sobre todo cando esta xente, moita dela ribadense, aproveitando que van aprender para logo innovar aquí poidan ser embaixadores de Ribadeo. Isto entronca un pouco con todas estas campañas nas que levamos traballando dende hai un tempo para a promoción turística, porque aparte do que poida facer o Concello sempre nos gusta que a xente de aquí fale dun sitio que ten moitas posibilidades e moitos encantos, como é Ribadeo e a nosa comarca. Polo tanto eles comprométense, aparte de facer o seu traballo, a ser un pouco embaixadores, entre aspas. Para iso vamos facilitarlles folletos, vídeos e outra informacións turística para que a toda esa xente que van visitar poidan darlles a coñecer de onde veñen, de onde son e todas as potencialidades que temos aquí”.
O presidente de APAGA, Álvaro Doural, agradeceu ao Concello de Ribadeo “a súa disposición a participar activamente nesta iniciativa” e explicou que “neste ano 2015, a través do proxecto Aprender a aprender na Formación Profesional, vanse realizar visitas a Alemaña, Italia e República Checa. E de cara ao 2016 esperamos que o proxecto que presentamos teña boa acollida e sexa aprobado para realizar visitas a Estonia, Portugal, Italia, Francia e Croacia no referente a proxectos de mobilidade de profesores, que é o campo no que nós nos movemos”.
Álvaro Doural engadiu que “aproveitando as nosas excelentes relacións co Concello de Ribadeo ocorréusenos abrir unha liña de colaboración para que nesas sexas viaxes haxa un momento para a presentación de Ribadeo nas diversas entidades que visitamos. Esta é a primeira experiencia, que se poderá mellorar incorporando outras accións, porque eu creo que é unha boa oportunidade para dar a coñecer Ribadeo”.
O presidente de APAGA tamén comentou que “os nosos socios de Polonia, de Estonia, de Croacia e de República Checa teñen pedidos proxectos para vir a Ribadeo no 2016; polo tanto nese ano, se as cousas van ben, poderán vir a Ribadeo grupos de 10 ou 12 profesores deses países, para o que imos solicitar a axuda do Concello. Isto francamente é moi enriquecedor a nivel docente e creo que tamén a nivel de comunidades, concellos, …”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
