Ribadeo, 4 de marzo de 2015. A Asociación de Profesores Técnicos e de Ensino Secundario de Automoción de Galicia, que preside o ribadense Álvaro Doural, realizará tres saídas formativas á República Checa, Alemaña e Italia ao longo das vindeiras semanas. A primeira terá lugar o 22 de marzo.
Doural explica que “dentro da convocatoria do programa Erasmus+ a asociación ten aprobado un proxecto que se chama Aprender a aprender na formación profesional, que consiste en tres saídas formativas de 38 profesores en total a Alemaña, Italia e República Checa. A finais deste mes de marzo será a primeira delas, á República Checa, e despois a primeiros de maio a Alemaña e a primeiros de xullo a Italia”. Serán 12 os profesores de Galicia e de Asturias os que viaxarán á República Checa para ampliar a súa formación. De Ribadeo a esa cita acudirá un mestre.
O presidente de Apaga indica que “o obxectivo destas xornadas de traballo, que son de 7 días no país de acollida, é facer visitas a empresas, especialmente aos seus departamentos de formación; a centros educativos; a institucións como cámaras de comercio, departamentos de empresas dedicados a emprendemento e todo ese tipo de accións de nivel formativo. O que se pretende é coñecer novos sistemas educativos e de xestión, as relacións que hai entre as empresas e os centros educativos e aquí xoga un papel importante coñecer como funciona o sistema de formación dual naqueles países onde xa está en marcha, xa que nestes momentos se está implantando aquí, no noso país. Tamén é importante establecer contactos para a mobilidade de alumnos. Este proxecto é un acordo con 9 centros educativos de Galicia, de Murcia e de Navarra”.
Álvaro Doural manifesta que “esta iniciativa forma parte dun plan estratéxico da asociación para internacionalizala. A finais do 2014 rematou o proxecto Innovación e Formación, que tiña unha estrutura similar, con saídas a Francia, Romanía e Polonia. E cos plans do 2016 está previsto un novo proxecto, denominado Coñecemento e Innovación na Formación Profesional, que nos permitirá realizar visitas a Estonia, Croacia, Portugal e Italia e están programadas estancias formativas de profesores en empresas e centros educativos”.
Pilar Falcón, xornalista de radio e televisión, académica e doutora en Ciencias da Información, ofreceranos unha formación especializada para que os profesionais aproveiten o poder da súa voz como un recurso crave na comunicación, na divulgación científica e no liderado profesional. Realizarase online ou presencial, o 22 de setembro, de 18:00 a 19:00 horas. Máis información e matrícula gratuíta: 
Sábado e domingo están citadas 25 xogadoras das diferentes Comunidades Autónomas que loitarán polo título estatal nun ambiente cheo de emoción e compañeirismo.
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras"
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
