Cun despregue de seguridade faraónico, o Presidente da Xunta, Núñez Feijóo, chegaba ó mediodía deste mércores ó Hospital da Costa para anunciar unha vez máis a ampliación do centro mariñao; namentres CIG Saúde A Mariña, acompañada de traballadoras, traballadores e veciñanza da Mariña agardaban a chegada do presidente na entrada principal para pedir a súa dimisión e protestar polo decreto de xestión provincial imposto no 2013 que significou a expropiación da xestión dos recursos sanitarios do centro hospitalario da Mariña.
Para o sindicato de maior representación da área sanitaria, a data escollida para visitar o centro non é casual. A intención é por unha banda voltar a anunciar o que levan repetindo dende 2009, a ampliación do hospital da Costa, cando todos e todas sabemos que é propaganda electoral e por outra banda rebentar a mobilización convocada para este xoves a partir das 20.00 horas.
O SINDICATO NACIONALISTA DENUNCIA A “ACTITUDE COVARDE” DO PRESIDENTE DA XUNTA QUE ENTROU AO CENTRO ÁS AGOCHADAS E CON FORTES MEDIDAS DE SEGURIDADE
CIG Saúde sentenza que un Presidente que ven contar verdades non entra pola porta traseira. Cualifican de vergoñenta a decisión de colarse no centro hospitalario pola porta de servizo para evitar escoitar as reivindicacións das traballadoras, traballadores e usuarios da sanidade da Mariña.
A federación da saúde denuncia medidas de presión ditadas por Feijóo intentando quitarlles a faixa e os carteis de protesta e impedindo a entrada ao salón de actos a determinadas traballadoras e traballadores.
DERROGACIÓN DO DECRETO DE XESTIÓN INTEGRADA PROVINCIAL
CIG Saúde A Mariña defende que “o que precisa a sanidade da comarca é o que está a pedir o conxunto da sociedade mariñá: un decreto de xestión integrada propio para xestionar atención primaria e especializada, un modelo que aposte polo crecemento do Hospital con plena capacidade para xestionar os seus recursos e non medidas que teñen como fin fundamental recortar servizos sanitarios públicos para converter este hospital nun ambulatorio grande, deteriorar os centros de saúde e, alimentar o negocio da sanidade privada”.
“Mentres iso non se cumpra todo o que se anuncie é demagoxia”. Por iso esixen a Núñez Feijóo que derrogue o Decreto de xestión integrada, modifique a folla de ruta da Xunta encamiñada á privatización sanitaria, aprobe un Decreto de Xestión Integrada propio para a Mariña.
PLAN DIRECTOR
Dende a central nacionalista “lembran que o Plan Director non é mais que un estudio das necesidades que en materia de sanidade ten a comarca da Mariña, e que para nada é garante de que se vaia ampliar o Hospital da Costa. De feito é o terceiro Plan Director que se executa ao longo da vida do centro sanitario sen que ningún culminase en ampliación”.
Dende CIG Saúde A Mariña denuncian “as mentiras de Feijóo en canto á súa preocupación e compromiso coa viabilidade económica da sanidade pública, xa que o seu verdadeiro compromiso é coa PRIVATIZACIÓN e acúsano de propaganda electoral que só busca enganar e manipular aos mariñaos e ás mariñás sen o mais mínimo pudor, nun tema tan sensíbel como é a saúde”.
Para a central nacionalista no Partido Popular “o que están é comprometidos cos recortes, cos repagamentos, coa amortización de prazas no sistema público galego de saúde (destrúen 90 de cada 100 vacantes por xubilacións), medidas todas elas encamiñadas a deteriorar a sanidade pública cun único fin, PRIVATIZAR e entregar a empresas amigas, que buscan grandes beneficios, a nosa sanidade tal como están facendo co novo Hospital de Vigo, a ampliación do Hospital de Ourense, os servizos de mantemento, electromedicina, as unidades de esterilización, a central de compras…
“Este é o compromiso de Feijóo, entregar o noso patrimonio sanitario aos poderes económicos sedentos de lucro, facendo deste xeito insostíbel e inviábel o futuro da nosa sanidade pública”, aseveran.
MOBILIZACIÓN NA DEFENSA DA SANIDADE PÚBLICA
CIG Saúde A Mariña anima á poboación mariñá a contestar con claridade e contundencia os cantos de serea de Feijóo e apoiar a mobilización prevista para o xoves ás 20.00 horas no Hospital da Costa.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
