Burela, 24 de marzo de 2015.- A Concellería de Servizos Sociais e Igualdade ven de presentar o IV Plan de Igualdade de Oportunidades entre mulleres e homes para o período comprendido entre os anos 2015-2017. Segundo explica Diana Durán “con el queremos dar continuidade ás políticas de igualdade adoptadas polo Concello nos últimos anos. Ademais supón a reafirmación do compromiso na loita pola igualdade que se iniciou no ano 1997 coa creación do CIM e os anteriores plans de igualdade”.
A edil popular subliña que “a igualdade entre homes e mulleres e a eliminación de todas as formas de discriminación contras as mulleres son os obxectivos prioritarios deste plan”.
A poboación de Burela en xaneiro de 2015, segundo o padrón municipal, estaba composta por 4.768 mulleres e 4.835 homes, dos que a maioría corresponden ás franxas de idade comprendidas entre os 20 e os 60 anos. En Burela conviven cidadáns de 42 nacionalidades, dos que 473 son mulleres e 618 homes. As máis numerosas son Cabo Verde (con 212 mulleres e 234 homes), Perú (con 60 mulleres e 61 homes), Portugal (con 50 mulleres e 62 homes) e Indonesia (con 101 homes e sen presenza de mulleres na vila). Seguen Senegal, Brasil, Marrocos, Colombia e Romanía.
As liñas estratéxicas nas que centrará o IV Plan de Igualdade do Concello bureles pasan por “introducir e fomentar o principio de transversalidade de xénero nas actuacións do Concello, como garante de compromiso coas políticas de igualdade; promover a sensibilización a favor da igualdade entre homes e mulleres impulsando a transmisión de valores de xénero máis equitativos e a eliminación de estereotipos; fomentar a corresponsabilidade de homes e mulleres na asunción de tarefas habituais da vida familiar diaria promovendo actuacións que favorezan a conciliación da vida laboral e familiar; promover a participación das mulleres en todos os ámbitos da sociedade en condicións de igualdade, así como promover a atención á saúde e benestar destas; previr e abordar a violencia de xénero dende as súas diferentes causas, tipoloxías, manifestacións e consecuencias, así como garantir a asistencia e protección das vítimas con actuacións de carácter integral e coordinando os recursos existentes”.
Diana Durán indica que “se deseñaron dentro do plan unha serie de actuacións reais que se levarán a cabo ao longo do período de vixencia do plan, tal e como se veu facendo ao longo dos últimos anos. Por exemplo haberá actividades nos centros de ensino con carácter preventivo, continuará o programa Educando en familia, organizaremos xornadas, obradoiros e seminarios de prevención de violencia de xénero, haberá obradoiros de supervivencia doméstica para homes e mulleres, accións informativas e formativas para mulleres emprendedoras ou actividades de ocio e tempo libre como espazo de benestar físico e de socialización, entre outras moitas”.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
