O BNG de Burela esixe de novo que se dea unha solución inmediata á demanda social existente en relación ao servizo de pediatría do Centro de Saúde de Burela. O portavoz municipal do BNG, Mario Pillado, indicou que “non se está a dar a cobertura sanitaria axeitada ao non cubrirse as baixas e xubilacións con persoal especializado”.
O BNG xa denunciou hai dous meses que a vacante producida por xubilación dunha das dúas facultativas que consultaban no Centro de Saúde de Burela, fora cuberta por persoal médico de familia e non por especialistas en pediatría. A formación nacionalista tamén denunciara publicamente, en novembro de 2013, a ausencia de pediatras ao non cubrirse as vacacións e baixas laborais do persoal facultativo. A día de hoxe, o Centro de Saúde conta con só dous facultativos para atender a máis de 1.300 nenos e nenas adscritos ao centro, dos cales só un é especialista en medicina pediátrica.
O BNG apoia as demandas das nais e pais afectados e pedirá explicacións ao Sr. Alcalde no próximo pleno municipal.
Desde a formación nacionalista queren trasladar todo o seu apoio ás nais e pais afectados e anuncian que pedirán explicacións ao Sr. Alcalde sobre as medidas adoptadas desde o Goberno Municipal para dar unha solución a esta situación. Nese sentido, o grupo municipal do BNG rexistrará esta mesma semana unha serie de preguntas dirixidas ao Sr. Alcalde para a súa contestación en pleno.
En palabras de Pillado, “o Sr. González Barcia debe aclarar se realizou alguha xestión ao respecto e se procedeu á solicitude de persoal sanitario especializado en pediatría para o Centro de Saúde de Burela, tal como se acordou no último pleno celebrado hai xa dous meses”. O portavoz nacionalista pídelle ao Sr. Barcia que atenda as demandas dos veciños e veciñas e que se deixe de facer de gardacostas da Conselleira de Sanidade nas súas visitas electoralistas a Burela. “O Sr. Barcia debe actuar na defensa do interese xeral e garantir os dereitos básicos dos veciños e veciñas de Burela, e solicitar de forma inmediata á Consellaría de Sanidade a prestación axeitada dos servizos sanitarios”, concluíu Pillado.
Desde o BNG fan un chamamento a todos os veciños e veciñas de Burela a participar na manifestación convocada pola Plataforma Sanitaria da Mariña para o próximo xoves, día 19, por unha sanidade pública e de calidade e por unha xestión propia para o Hospital da Costa.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
