O pasado domingo Ribadeo en Común celebrou a primeira xuntanza de presentación da iniciativa na tenda bar Amodiño. Preto de 40 persoas falaron de participación, feminismo e infancia. Foi un acto distendido, amenizado pola música de dous compañeiros, no que presentamos a visión de ReC no eido da educación e a participación da mocidade.
Deuse espazo tamén ao Colectivo 8 de Marzo para lembrar a necesidade de que o feminismo e a procura da igualdade real impregne as nosas propostas e as nosas condutas, e a unha veciña -Eva-, que presentou unha interesante proposta de adaptar a nosa vila ás persoas máis novas -a “vila das pícaras e os pícaros”-. O proxecto, xa en marcha noutras cidades, parte da idea de que a cidade actual está deseñada para o “varón adulto que vai en coche”, primando a mobilidade e o aparcamento destes vehículos sobre as necesidades do resto das persoas. Se recuperamos un Ribadeo onde os nosos fillos podan moverse sós con seguridade, como faciamos nós fai anos, Ribadeo será moito máis habitable para todas e todos. Esa transformación deberá deseñarse a partir dun proceso de diálogo e participación coas persoas máis novas.
A participación da infancia e da mocidade dentro da vida cotiá ribadense debera ser un feito por si mesmo, porque forman parte deste Ribadeo que intentamos mellorar. Os que agora son xente nova, mañá estarán á fronte do Ribadeo que hoxe construamos e polo tanto serán herdeiros dos nosos feitos.
A infancia e a xuventude deben ter unha maior visibilidade e maior espazo dentro da sociedade; como ben sinala a Convención dos Dereitos da Infancia teñen pleno dereito a recibir información, opinar, asociarse e expresarse libremente. En resumo, a participar de todo aquilo que lles afecte: por iso queremos crear un espazo de comunicación coa infancia e xuventude de Ribadeo.
Para tal fin comezaremos facendo unha xuntanza este domingo 15 de marzo no Cantón ás 12.00 horas do mediodía. Neste encontro, ó que están convidados tódolos nenos/as e acompañantes, falaremos de aquilo que lles gusta de Ribadeo e o que mudarían para poder entre todos melloralo e adaptalo ás súas necesidades.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
