Lourenzá, 1 de abril de 2015.- Veciños, simpatizantes, representantes do Partido Popular tanto da provincia, como da comarca de A Mariña participaron esta tarde no acto de presentación da candidatura do PP de Lourenzá que deu a coñecer o líder dos populares lucenses, José Manuel Barreiro.
Nun abarrotado salón de plenos da Casa Consistorial, José Manuel Barreiro animou á alcaldable e ao seu equipo a traballar duramente para seguir logrando os magníficos resultados acadados ata o de agora e continuar mantendo a un goberno popular ao fronte do municipio.
Barreiro cualificou a lista do PP de Lourenzá dun equipo serio e responsable, o axeitado, dixo, para que o municipio siga progresando como ata agora e tivo un especial recoñecemento para quen lidera esta candidatura, Emma Álvarez Chao, a quen definiu de persoa “traballadora, entregada e comprometida cos seus veciños”.
“Estamos ante unha lista de persoas xóvenes, cuxa media de idade oscila entre os 46 anos; equitativa, con 7 homes e 6 mulleres e renovada nun 63%. Conta con 7 novas incorporacións en relación a fai 4 anos e de 11 persoas, 5 figuran por primeira vez nunha candidatura”- explicou.
Pola súa banda, a alcaldesa e candidata, Emma Álvarez dixo sentirse rodeada de persoas boas e leais para iniciar esta nova etapa, que, aseverou, ten un triplo obxectivo. “Traballar para manter o Goberno do PP ao fronte do municipio, para mellorar o resultado e para contribuír a gañar a Deputación de Lugo que, nas mans de socialistas e nacionalistas están danando gravemente aos concellos do PP”.
A popular dixo que o seu equipo estaba formado de persoas que participaron activamente e de xeito altruísta en distintos sectores sociais do Concello, que demostraron en moitas ocasións antepoñer os intereses xerais ós persoais, persoas das que fan falta en política.
“Hoxe teño a honra de poder dicir que conto cos mellores candidatos, preséntome as eleccións de maio cunha lista de persoas nobres, unha lista nutrida de homes e mulleres con boas intencións, persoas que, estou segura, porque así o demostran día a día, van traballar polos demais e colaborar en proxectos que contribuirán a solventar os problemas dos nosos veciños”- salientou.
A alcaldable, quen aseverou que pertencer á familia do PP é unha honra pero encabezar a lista da agrupación local, un orgullo, recoñeceu que son tempos difíciles e que a xestión do Goberno Central non está sendo entendida nunha cidadanía que sufre os efectos da crise; malia a iso, mostrouse convencida de que ela e o seu equipo esforzarase para estar na rúa explicando as propostas populares, a xestión feita polo PP e demostrándolle aos veciños a realidade da situacións dadas e os feitos acadados.
Agradeceu a popular a asistencia de tódolos presentes e pediu colaboración para volver a gañar e seguir gobernando no municipio; “todos sumamos, todos facemos falta”- concluíu.
LISTA DA CANDIDATURA ELECTORAL DE LOURENZÁ
1- Emma Álvarez Chao
2.- Francisco Javier Rodríguez Barrera
3.- Josefa Rodríguez Lorenzo
4.- Pablo Maseda Fernández
5.- Mª Guadalupe Flórez Seivane
6.- Roberto Díaz Expósito
7.-Mariano Francisco De la Torre Galindo
8.- Mª José Lourido Centeno
9.- Alejandro Fernández Reigosa
10.- Lorena Maradona Gueimonde
11.- Mª José Sante García
1º Suplente.- Fe Rodríguez Rocha
2º Suplente.- Dino Vidal García
3º Suplente.- Antonio Reigosa Pedreira
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
