27 de abril de 2015.- A Oficina Galega de Outros Asuntos do Movemento e aCentral Folque en colaboración co Concello de Ribadeo, accionan por primeira vez en A Mariña, contextos de Arte e Saúde encamiñados a criar novas vías de comunicación, integración e movemento a través do Neuromovemento Craneal, a Improvisación Interdisciplinar Libre, a música e a danza.
Unha programación onde a improvisación libre e a diversidade funcional son escolas de vida, um continuum que comeza por poñer o foco na necesidade da improvisación libre diaria como axuda para mellorar o desenvolvimento pesoal a calquer e para calquer nivel profesional e privado, que posteriormente terá un dia adicado ao espectáculo “Bailar el agua” (por vez primeira em Galiza) para todos aprender das pesoas con diversidade funcional no palco e por último mais adiante unhas sesions de Neuromovimento Craneal para quen teña déficits de movimento e dores crónicos sen resolver.
A programación, que se desenvolverá durante o primeiros meses deste 2015, inclúe tres espazos de aprendizaxe e está dirixida a nen@s, xovens e adultos interesados-as, e aberto para diferentes ámbitos relacionais, profesionais, artísticos dependendo dos recursos físicos e psíquicos de cada quen.
*CURSO DE IMPROVISACIÓN INTERDISCIPLINAR LIBRE con CHEFA ALONSO para músicos, poetas, bailarins, artistas plásticos e toda xente adicada á escena.
8 e 9 de maio: 8 de maio (venres) de 11h a 14h e de 17h a 20 h; 9 de maio (sábado) de 11h a 14h
Espazo: Auditorio de Ribadeo. (prazas limitadas)
+info:
Este taller será dirixido e impartido por Chefa Alonso, Doutora en Improvisación Libre e Composición pola Universidade de Brunel (Londres), docente galega, directora e música con máis de trinta anos de experiencia, participante en diferentes festivais internacionais de free jazz e improvisación libre (Alemania, Rumania, Mexico, Austria, Inglaterra…), e con experiencia amplísima na dirección e formación de grupos e orquestas.
Vai dirixido a pintores, músicos, bailarins, bailarinas, actores, actrices, poetas, malabaristas, titiriteiros, escultoras… tratase dun taller estimulativo para sacar o mellor de dentro de nós dandolle a mao ao inesperado, ao risco e á busqueda continua fora da zona de confort. A improvisación como modelo de comunicación colectiva aproveitando ao máximo a expresión individual para interactuar cos demais. Traballarase a escoita, a concentraçom, a confianza, a decisión, a enerxia do instante, a exploración do instrumento, o silenzo, a ocorréncia, a intención…. é dizer aspectos necesarios para a vida pois palcos hainos en todas partes.
Estamos a falar da improvisación libre, é decir, unha improvisación non ligada a xenéros musicais específicos como poidan ser o jazz, o pop, o rock ou as músicas tradicionais. Unha improvisación que está vinculada á linguaxe e a expresión corporal, ao propio instrumento, ao sentido do colectivo como motor de crecemento, á confianza no individuo, a un espíritu de igualitarismo. En fin, unha actividade que quere dar a espalda ao capitalismo atroz que está sumindo as nosas sociedades na desesperación e na ruína.
Número asistentes: 10 mínimo e 15 máximo. Todos os participantes deberán traer o seu instrumento (musical, corpo, voz, texto, material para plástica, etc) así como o equipo necesario para o seu son ou visibilización.
*ESPECTÁCULO “BAILAR EL AGUA” con CHEFA ALONSO (médico e música) e RAQUEL SÁNCHEZ (bailarina e coreógrafa) para persoas con diversidade funcional e público interesado. ESPECTÁCULO REPRESENTADO POR PRIMEIRA VEZ EN GALIZA.
9 de maio ás 18h
Lugar: Auditorio de Ribadeo.
(reservas limitadas)
+info ver video: https://vimeo.com/55946936
Chefa Alonso, música e doutora, xunto á bailarina e coreógrafa Raquel Sánchez presentannos ‘Bailar el Agua’ un taller espectáculo que levan desenvolvendo en diferentes países e continentes desde 1999 e que por primeira vez ven a Galiza despois de 16 anos impatíndose polo resto do estado e Sao Paulo (Brasil). Un espectáculo realizado por un equipo de músicas e bailarinas concebido para persoas con diversidade funcional enraízado na capacidade de integración social e mellora terapéutica que ten a creación artística baseada na improvisación.
Trátase dun espectáculo de unha hora de duración onde as facilitadoras xunto ás persoas con diversidade funcional crearán unha obra musical e de danza a través do uso da improvisación como recurso comunicativo, permítindo así establecer un diálogo cos asistentes, integrar as súas respostas e compor con elas en tempo real. Proponse un formato especial que produce unha estimulación sensorial e emocional moito máis ampla.
Número de participantes e características:No máximo e mínimo de participantes: entre 10 e 25 persoas con diversidade funcional. O público acompañante e resto de público interesado, estarían noutra disposición espacial.
3*Sesións Neuromovemento Cranial, por Juan Carlos Concha Matus.
Datas e Horarios: Do 4 ao 8 de Xuño. Todos os días desde as 10.00 h. ata as 14:00 h. e de 16.00 h. ate 20.0o h.
Lugar Hotel Cabazo , Ribadeo.
+info: http://neuromovement-cranial.com/
Impartidas por Juan Carlos Concha Matus, afincado en Mallorca, osteópata formado no Método ABM -Anat Baniel Method- de Fendelkrais (San Rafael, California) e practicante do mesmo en diferentes países europeos: Rusia, Dinamarca, Alemania… A súa longa experiencia con nen@s e adultos con (e sen) diversidade funcional achega un importante avance na diversidade funcional na Galiza desde outubro de 2013. Esta é a primeira vez que se practica na comarca de A Mariña .
NeuromovimientoCraneal é a súa plataforma, ferramenta principal para traballar con adultos e nenos. Un enfoque e técnica refinada no tacto e movemento, aproveitando ao máximo a plasticidade natural do sistema nervioso e a respiración primaria sanadora dos tecidos corporais. Nesta ocasión presenta unha programación de cinco xornadas con sesións individuais todos os días ata completar as prazas.
O público ao que están dirixidas son todas aquelas persoas que queiran profundizar no seu propio potencial a través do movemento. En particular a:
-Adultos con dores crónicos ou limitacións de movemento.
-Nenos con necesidades especiais e ás súas familias.
-Terapeutas manuais que queiran ampliar as súas técnicas e recursos.
-Profesionais da saúde, a docentes, a artistas (de música, teatro, danza…)
-Docentes especializados en educación física, plástica e música.
Cada sesión individual ten unha duración estimada de 45 minutos. O número de prazas é limitado e confirmaranse segundo orde de inscrición.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
