A lectura é tan importante na formación humana, intelectual e cívica da persoa que fíxo decir a Nicolás de Avellaneda, xornalista e político arxentino do século XIX: “Cando escoito que un individuo ten o hábito da lectura, estou predisposto a pensar ben dél ”. Dase por aceptado que a lectura é porta aberta á cultura, pois pode decirse que sen aquéla difícilmente se accede a ésta; daí que as institucións con responsabilidades neste eido, e conscentes da súa obriga moral de favorecer e estimular os vieiros que conducen ó desenvolvemento cultural dos cidadáns, se apliquen en artellar fórmulas que apoien e estimulen tal práctica.
A lectura; ou sexa, o libro, non só proporciona información senon que forma (educa) creando hábitos de reflexión, análise e esforzo, e recrea, fai gozar, entretén e distrae; axuda ó desenvolvemento e perfección da linguaxe e mellora a expresión oral e escrita, e faina mais fluída, mellorando as relacións humanas.
A idea orixinal da celebración do Día do Libro partiu de Cataluña, do valenciano Vicente Clavel que o propuxo á Camara Oficial do Libro de Barcelona. Pouco despois (1930) instaurase definitivamente o 23 de abril, data da morte en 1616 de dous xigantes da literatura universal: Cervantes e Shakespeare, aínda que non figuran o mesmo día porque Inglaterra non adoptara aínda o calendario gregoriano: a UNESCO declarouna de carácter mundial.Como o evento coincide coa festividade de San Jordi, patrono de Cataluña, fíxose alí tradicional, entre os namorados e persoas queridas, intercambiarse unha rosa e un libro, porque o agasallo deste é, “ ademais dun regalo, un delicado eloxio”.
O escritor arxentino Xosé Luis Borges escribíu: “ Hai quen non podería imaxinar un mundo sen paxaros ou un mundo sen auga ; no que a mín se refire son incapaz de imaxinar un mundo sen libros. O home creou a espada e o arado, prolongacións do brazo que os usa. Creou tamén o libro que é unha extensión secular da súa imaxinación e da súa memoria”…¡Fagamos uso dél!.
Suso Fernández.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
