Esta decisión comezará a materializarse no Hospital público de Lugo Lucus Augusti que se dotará por primeira vez dun servizo de radioterapia Trátase do primeiro lote do contrato de alta tecnoloxía que suporá un investimento total de 88 millóns de euros en oito anos O Goberno galego, na súa reunión semanal do Consello, deu hoxe luz verde á decisión de reforzar a modernización tecnolóxica do Servizo Galego de Saúde, coa renovación de 10 aceleradores lineais nos hospitais públicos galegos.
A tal efecto, a mesa de contratación considerou que a empresa VARIAN MEDICAL SYSTEMS IBÉRICA, S.L., presentou a oferta máis vantaxosa, polo que se lle requiriu para a presentación, nun prazo de 10 días, da documentación necesaria para a adxudicación do contrato.
Unha vez presentada esta documentación pola empresa proposta, procederase á adxudicación formal do contrato e a súa posterior formalización.
Prioridade á radioterapia en Lugo
Este contrato, que afecta á totalidade dos hospitais públicos do Sergas, comezará a materializarse no hospital Lucus Augusti, que se dotará por primeira vez do servizo de radioterapia.
Da oferta cualificada como máis vantaxosa destaca así que o primeiro equipo de radioterapia que está previsto instalar no Sergas en toda Galicia sexa para Lugo.
Trátase do primeiro lote do contrato de alta tecnoloxía que suporá un investimento total de 88 millóns de euros en oito anos. E, con esta proposta o departamento que dirixe Rocío Mosquera dá un paso máis na súa intención de dotar o Sergas da alta tecnoloxía necesaria para aumentar a calidade diagnóstica e asistencial, mellorar a dispoñibilidade do equipamento e atender de forma máis eficiente a demanda das probas diagnósticas e dos procedementos terapéuticos que empregan estas tecnoloxías.
O contrato da alta tecnoloxía permitirá mellorar a atención á cidadanía, poñer á disposición dos profesionais da saúde as últimas técnicas diagnósticas e terapéuticas, participar en programas de investigación e innovación de ámbito internacional e contar cunha plataforma avanzada de diagnóstico pola imaxe.
En resumo, o contrato implica a renovación tecnolóxica existente e a incorporación do novo equipamento, co obxecto de aumentar a produtividade e a capacidade diagnóstica do Sergas.
Foi cunha visita a unha casa tradicional na Madanela, con demostración do funcionamento dun muíño de auga incluído, e cunha merenda. Foi unha excelente ocasión para que persoas doutras terras que, ou ben están de paso por Ribadeo, ou xa se estableceron na Mariña, puideran coñecer un pouco máis dos nosos costumes, apeiros de labranza, organización do territorio, etc. Como non podía ser menos neste ano dedicado as cantareiras, dedicamos una parte da tardiña a dar vida a cantigas populares, que durante o curso comentaron nas aulas de galego.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
Recibiron diplomas e lotes de libros. Todos participarán na fase provincial. A edil felicitounos e animounos a seguir creando: “grazas a todas e a todos por participar. Anímovos a seguir creando, xa sexa a través da escritura ou do debuxo, xa que vos axudará a medrar como persoas”.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
Este xoves 29 de maio, ás 20,30h., na Biblioteca Municipal El Viejo Pancho de Ribadeo, a A.C. Francisco Lanza organiza a presentación da novela xuvenil "Cartas na escuridade", de Lois Pérez. Este relato xuvenil levou o premio de Literatura Xuvenil María Victoria Moreno. Teresa González Piñeiroa, profesora de Lingua e Literatura Galegas no IES de Ribadeo Dionisio Gamallo, vai conducir o acto.
