ALFOZ, 30 DE ABRIL DE 2015.- A vicepresidenta segunda da Deputación de Lugo –Lara Méndez- e o deputado autonómico –José Ramón Val Alonso- participaron este xoves na presentación da candidatura do PSOE de Alfoz que encabeza Jorge Val.
Lara Méndez destacou a capacidade da candidatura socialista de Alfoz “para sacar a este concello da parálise absoluta que provoca o goberno do Partido Popular, que dificilmente mantén as necesidades básicas do municipio”. “Os socialistas sabemos como sacar Alfoz adiante, somos unha alternativa solvente. Así o demostramos na Deputación. Con nós, A Mariña pasou a ser, mentres que co PP estaba esquecida”, subliñou a vicepresidenta, engadindo neste senso “que puxemos en marcha proxectos que aproveitan os recursos propios para impulsar o crecemento”. Como exemplo puxo a creación no Valadouro da primeira escola pública de horticultura de Galicia, ademais de lembrar a posta en marcha dos parques de bombeiros, o investimento de 2,8 millóns en residencias da terceira idade e o mantemento do Servizo de Axuda no Fogar e a teleasistencia.
Necesidade de cambio
Pola súa banda, Val Alonso asegurou que “a candidatura socialista representa o cambio necesario para Alfoz, que tras 30 anos de goberno do PP perdeu poboación a pasos axigantados, preto de 1000 habitantes menos, o que implica menos recursos e, polo tanto, peores servizos para a cidadanía.” Por iso, o deputado manifestou “a necesidade dun cambio no goberno do municipio xa que ante esta situación de despoboamento, o alcalde popular adoptou unha posición de inmobilismo, pasividade e nulo apoio aos sectores produtivos”. Neste senso, lembra os problemas que está a sufrir o sector lácteo e gandeiro, que en Alfoz afecta a 167 explotacións e 2.000 cabezas de gando vacún, que están a vender o leite por debaixo dos custes de produción.
O deputado socialista afirmou que” a candidatura do PSdeG de Alfoz está integrada por xente moi comprometida e honesta, que sempre traballou de xeito altruísta por mellorar as condicións de vida dos veciños e veciñas”. “Fronte esta dedicación en pro da cidadanía dos socialistas, atopamos ó goberno do Sr. Feijoo que o único que está a provocar é un grave retroceso da comarca da Mariña co peche de empresas, ERES, perda de servizos públicos, recortes de facultativos sanitarios, etc.”, concluíu.
Proxecto socialista para evitar o despoboamento
O alcaldable márcase como obxectivo fixar a poboación no municipio, sobre todo, lograr que a nosa mocidade se manteña no concello en lugar de ter que marchar debido á falta de oportunidades laborais, de vivendas dispoñibles e de solo industrial para os emprendedores. “Traballaremos para que a xente nova non se nos vaia”
Ante esta situación, o proxecto socialista baséase na loita pola aprobación do Plan Xeral para poder facer vivendas no municipio, para poder edificar e que a mocidade do concello non marche a vivir a outras localidades”. Outro dos piares dos obxectivos dos socialistas é acabar coa concentración parcelaria xa que, “son moitos os veciños e veciñas que se ven afectados pola situación ao querer mercar ou vender unha finca ou querer construír unha casa”.
Acabar coa parálise do polígono industrial
Asemade, o trazado de futuro para Alfoz plantexado polos socialistas, inclúe a execución do polígono industrial, “para a instalación no municipio de novas compañías que permitan o mantemento do emprego e a creación de postos de traballo”, explicou Jorge Val. “Unha execución que teñen paralizada os gobernos do PP, da Xunta e do concello, e que están a impedir o desenvolvemento do municipio e, en definitiva, na mellora da calidade de vida dos nosos veciños e veciñas”, engadiu.
Os membros da candidatura presentada hoxe, que traballarán con ilusión por solucionar os problemas do concello, son os seguintes:
1.- Jorge Val Díaz
2.- María Carmen Hermida Vizoso
3.- Cándido Paleo Rejes
4.- Ana Belén Díaz González
5.- Elias Pardero Cayón
6.- Justo Juan Maseda Paz
7.- Ramón Rubal Fernández
8.- Erik Martínez Barreira
9.- María Carmen Sisto García
Suplentes:
1.- Xosé Ramón Yanes Gasalla
2.- Carlos Sanjurjo Lorenzo
3.- José María Expósito Rodríguez
4.- Pedro Carreiras Vizoso
5.- José Ramón Vizoso Goás
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
