Ribadeo, 16 de abril de 2015.- O Concello acolleu unha xuntanza á que asistiron os portavoces municipais, os técnicos do Concello e de Eptisa para seguir avanzando no PEPRICH. O alcalde, Fernando Suárez, explicou que o que están a estudar son as alegacións presentadas a este plan de protección do conxunto histórico de Ribadeo e os informes remitidos ao Concello pola Xunta e polo Estado relativos a este documento.
O rexedor contou que “no día de hoxe todos os portavoces da Corporación e máis os técnicos tanto do Concello como da empresa redactora Eptisa seguimos traballando nunha xuntanza para continuar avanzando na redacción e na tramitación do plan especial de protección e reforma interior do conxunto histórico, o que se coñece como PEPRICH, despois de que xa estean aquí desde hai semanas os últimos informes sectoriais pertinentes. Hai que ter en conta que varias administracións tiveron que obrigatoriamente facer informes: de Patrimonio, da Xunta, de Costas, do Ministerio de Medio Ambiente, de Medio Rural, da Deputación Provincial de Lugo, etcétera. E unha vez que todos os informes están aquí estamos contrastando tamén coas alegacións que todo o mundo fixo durante o longuísimo espazo de tempo que se deu para que todos puideran informarse, consultar e alegar o que estimaran oportuno”.
Suárez Barcia indicou que “a idea do goberno e do resto da Corporación, como non, é seguir tramitando e avanzando na mesma liña que fomos facendo co plan xeral de ordenación municipal, que xa desde hai uns meses está en vigor. E a ver se somos capaces de que, canto antes mellor, tamén poidamos ter aprobado e en vigor o plan especial do conxunto histórico”. E lembrou que “nestes últimos anos estívose e estase producindo un gran avance na rehabilitación das vivendas do conxunto histórico, por intensidade na acción deste goberno municipal con algúns propietarios que tiñan os inmobles un tanto descoidados e supoñían un perigo para a seguridade e o ornato públicos. Pero o que queremos é seguir avanzando e ademais con instrumentos legais, como o plan especial de protección, onde se permitan máis cousas que o significa a propia rehabilitación, que está ben pero é evidente que tamén hai solares vacantes nos que se debe e se pode construír. E estamos entre todos buscando a maneira máis coherente, mellor, máis estética e máis funcional para que isto sexa así, para que finalmente o conxunto histórico de Ribadeo sexa tamén unha riqueza patrimonial, como sempre foi e como queremos que siga sendo”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
