Foz, 1 de maio de 2015.- O Boletín Oficial do Estado publica este venres o anuncio do Ministerio de Fomento de licitación da rehabilitación do firme da estrada Nacional 642 ao seu paso pola Mariña. O alcalde de Foz, Javier Jorge Castiñeira, destaca que a ministra de Fomento, Ana Pastor, cumpre así o comprometido sobre esta obra trala petición que lle fixo o propio rexedor nunha xuntanza que mantiveron en Santiago.
Javier Castiñeira explicou que “no día de hoxe ven de publicarse no Boletín Oficial do Estado a obra de reparación do firme da Nacional 642 no tramo que pasa por Foz, tal como adiantamos no seu momento o secretario general de Infraestructuras e eu mesmo a raíz dunha entrevista que tivemos en Santiago coa propia ministra de Fomento e cos señores Barreiro, De Olano e o subdelegado do Goberno en Lugo. Estamos contentos porque deste xeito o Ministerio de Fomento cumpre con Foz. Esta obra está licitada e polo tanto despois do período de publicación, adxudicación e contratación inmediatamente sairán os traballos para diante. Para esta vía é importantísimo porque se atopa nun estado bastante malo e a seguridade non está garantida. Polo tanto reclamamos a máxima urxencia para esta obra”.
O alcalde focense engadiu que “agora hai que seguir traballando para solucionar definitivamente os problemas da Nacional 642 coa licitación canto antes do proxecto do primeiro tramo do corredor Barreiros-San Cibrao. Así llo reiteramos ao secretario general de Infraestructuras do Ministerio de Fomento e esperamos que nesta anualidade ese proxecto pode ser tamén unha realidade e que nos próximos orzamentos do Estado xa haxa unha partida para as obras do novo corredor”.
Castiñeira rematou destacando que “polo tanto son momentos de avance, nos que as administracións estamos empezando a ter unha estabilidade económica que permite facer investimentos o que en definitiva son boas novas para todos os veciños”.
O anuncio publicado este venres no BOE pode verse a través deste enlace:
http://www.boe.es/boe/dias/2015/05/01/pdfs/BOE-B-2015-13712.pdf
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
